A Xunta licita a construcción de 13 sendas na comarca de Pontevedra
Por Redacción
A Consellería de Infraestruturas e Vivenda vén de licitar o contrato de servizo para a redacción dos proxectos de construción de 13 sendas peonís e ciclistas na comarca de Pontevedra e concellos limítrofes, nas que a Xunta inviste un orzamento duns 3 millóns de euros.
O contrato, cun investimento de preto de 253.000 euros, terá un prazo de 12 meses para a súa redacción, coa fin de que os primeiros documentos estean redactados a comezos do vindeiro ano para iniciar a licitación das obras.
Estas obras, que levará a cabo a Axencia Galega de Infraestruturas (AXI), serán cofinanciadas polo Programa Operativo FEDER Galicia 2014-2020.
Entre os itinerarios previstos están actuacións na PO-308 que, unidas aos treitos xa previstos no Plan do Salnés, permitirán executar 6,5 quilómetros de sendas peonís só no concello de Poio
Tamén se actúa sobre a PO-531, a estrada de Vilagarcía, ao recoller sendas en Sequeiros, A Devesa e O Freixo, uns proxectos coordinados coas restantes actuacións de seguridade viaria que se están a executar neses puntos.
- Fontenla-Combarro, PO-308, Concello de Poio.
- Combarro-Chancelas- Samieira, PO-308, Concello de Poio.
- Portosanto, na PO-309 e en Tarrío, na PO-303, Concello de Poio.
- O Freixo, na PO-531, no Concello de Pontevedra.
- A Devesa-Bretoña, na PO-531, no Concello de Pontevedra.
- A Piolla-O Couso-O Sobral, na PO-223, no Concello de Pontevedra.
- Pazos, na PO-542, no Concello de Pontevedra.
- Alba-San Caetano, na PO-225, no Concello de Pontevedra.
Estas actuacións están enmarcadas na segunda fase do Plan de Sendas de Galicia, co obxectivo de incrementar a seguridade de peóns e ciclistas, posto que son os usuarios máis vulnerables das estradas, e promover a mobilidade sustentable.
Relacionadas:
-
A Xunta somete a información pública o proxecto da senda peonil entre Alba e San Caetano
Por Redacción |
-
Aberto o prazo de alegacións ao proxecto de senda peonil e ciclista entre a Devesa e Bretoña
Por Redacción |
-
Podemos Sanxenxo considera un "fracaso" a reforma da PO-308 ao seu paso pola Lanzada
Por Redacción |
-
Ferido un condutor tras envorcar co seu coche na PO-308 en Dorrón
Por Redacción |
-
A Xunta agarda contratar este ano as obras da senda Vilaseca-Lapamán, en Marín
Por Oskar Viéitez |
-
A Xunta somete a información pública o proxecto da senda entre Vilariño e o polígono do Salnés
Por Oskar Viéitez |