Combarro, primeira parada da exposición sobre maquetas de barcos da Deputación
Por Redacción
O Encontro de Embarcacións Tradicionais de Galicia que se celebrará en Combarro entre o 29 de xuño e o 2 de xullo servirá ademais de estrea para a exposición de maquetas de embarcacións que prepara a Deputación de Pontevedra.
Esta mostra, composta por 18 maquetas de embarcacións tradicionais galegas, está incluída na programación do Ano do Patrimonio que impulsa a administración provincial e será un dos atractivos do Pavillón do Patrimonio que se instalará na Praza da Chousa.
A exposición estará acompañada dunha guía con características das embarcaiones tradicionais e dun espectáculo de narración a cargo de Xurxo Souto. Ademais en Combarro a Deputación presentará tamén o libro de fotografía 'Vento nas velas' de Xurxo Lobato.
A mostra pasará despois da súa estrea en Poio por Cambados, Bueu, A Illa de Arousa, Vigo e O Grove.
Tras a súa presentación oficial en Santiago de Compostela, o Casal de Ferreirós de Poio acolleu este martes un acto no que se quixo dar a coñecer de novo a programación do Encontro de Embarcacións Tradicionais de Galicia, no que participarán ata 150 barcos chegados desde diferentes puntos de Galicia e tamén doutros puntos como o País Vasco ou Portugal.
Relacionadas:
-
Un inclusivo mar de velas despide o Encontro de Combarro
Por Redacción |
-
Homenaxear á xente do mar e dignificar a cultura marítima
Por Redacción |
-
O alumnado do IES de Poio documenta o marisqueo no filme "Co devalar"
Por Redacción |
-
A cultura mariñeira vive a súa fin de semana grande en Combarro
Por Mónica Patxot & Redacción |
-
A maior concentración de embarcacións tradicionais do estado tomará Combarro
Por Redacción |
-
Un obradoiro de "Nós ao grande" anticipa o Encontro de Combarro
Por Redacción |
-
Seis concertos animarán as noites do Encontro de Embarcacións de Combarro
Por Redacción |