O PP pide á Deputación un informe detallado do plan de compostaxe
Por Oskar Viéitez
O grupo provincial do Partido Popular vén de solicitar á Deputación de Pontevedra un informe detallado dos importes que destinou ao plan de compostaxe desde a súa posta en marcha, así como o listado de concellos adheridos e as axudas outorgadas a cada un.
Segundo explica o voceiro do grupo, Ángel Moldes, "despois de dous anos consideramos que xa pasou un tempo prudencial para poder extraer as primeiras conclusións e saber se este plan está funcionando, e para iso queremos ter datos e información".
Ángel Moldes aclara que "non estamos cuestionando a compostaxe como método, o que nos sorprendería é que despois de gastar cantidades importantes do orzamento provincial o plan, tal e como eles o deseñaron, non estea funcionando".
O voceiro do PP destaca que "hai moita confusión sobre o que realmente se leva investido", e recorda que "cada vez que o bipartito fala deste proxecto e de orzamentos dá cantidades diferentes, transmitindo moita improvisación e falta de planificación".
Relacionadas:
-
O PP pregunta polo plan de composteiros comunitarios ao levar medio ano parado
Por Redacción |
-
O PP pide ao goberno de Carmela Silva que renda contas pola compostaxe
Por Oskar Viéitez |
-
Entre os funcionarios da Deputación xa hai mestres composteiros
Por Natalia Puga & Mónica Patxot |
-
Bará insta á Xunta a estender o plan compost da Deputación a toda Galicia
Por Redacción |
-
Colas para recoller plantas e compost na Ferrería
Por Redacción |
-
A compostaxe tamén é cousa de nenos
Por Oskar Viéitez |
-
Preto de 200 rapaces participarán en Pontevedra nun congreso de educación ambiental sobre compostaxe
Por Redacción |
-
Expertos internacionais de renome imparten leccións maxistrais na Facultade de Compostaxe
Por Oskar Viéitez & Mónica Patxot |