O alcalde da Lama está satisfeito coa colocación de lombos nas estradas provinciais
Por Oskar Viéitez
O alcalde da Lama, Jorge Canda, mostrouse "moi satisfeito" tras anunciar a Deputación de Pontevedra os traballos de pintado, colocación de "lombos" e mellora da sinalización horizontal en varias vías de titularidade provincial que discorren polo termo municipal da Lama, entre elas a que discorre entre Ponte Verdugo, Escuadra e Caroi e a estrada que comunica As Ermidas con Pigarzos e a de Ponche Verdugo-Cambeses-Barcia de Seixo.
Espero que eses compromisos se materialicen canto antes dando solución a un problema de seguridade viaria que veñen padecendo desde hai tempo os veciños da Lama. As actuacións en zonas transitadas coa colocación de lombos permitirán amortecer o tráfico e que sexan máis seguras as vías de titularidade provincial", manifestou Jorge Canda.
A intención do Concello da Lama e da Deputación é contribuír a que os distintos núcleos de poboación polos que discorren vías provinciais dispoñan de medios de control do tráfico e seguridade viaria que impidan a proliferación de accidentes ou situacións de perigo para os viandantes que adoitan usar estas zonas como lugares habituais de paso e desprazamentos desde os seus fogares ás distintas leiras e propiedades.
Relacionadas:
-
A Deputación mellorará o estado da estrada Peso-Caroi, na Lama
Por Redacción |
-
A Deputación inicia o plan de "lombos" en Marín
Por Redacción |
-
O PP reclama melloras para as estradas provinciais de Barro, Campo Lameiro, Ponte Caldelas e A Lama
Por Oskar Viéitez |
-
Veciños de Verducido piden a retirada dos lombos na estrada do Pontillón do Castro
Por Oskar Viéitez |
-
A Rolda Leste, entre O Marco e San Amaro, reformúlase co dobre de orzamento e máis lombos
Por Redacción |
-
653.000 euros para poñer lombos e pintar as estradas provinciais no Salnés
Por Redacción |
-
Vinte empresas optan ao concurso para instalar 600 lombos nas estradas provinciais
Por Redacción |