De paseo dominical polas marismas de Alba
Por Redacción
Que mellor que aproveitar unha xornada dominical paseando por unha das xoias naturais que ten Pontevedra, as marismas de Alba. Iso pensaron todas as persoas que participaron este domingo na proposta que lles facía o programa Ponteverde.
Tratábase dunha ruta de sendeirismo que, cuns dez quilómetros de percorrido, tiña a súa saída e a súa chegada na Illa das Esculturas.
A ruta, coordinada por Naturgaliz@ Club, foi todo un éxito de participación, debido á facilidade do seu percorrido e o seu carácter circular.
Todos os participantes recibiron unha bolsa co avituallamento pertinente antes de comezar a andaina que, como todas as deste programa, teñen carácter gratuíto.