A Esdemga, convidada en Londres á Graduate Fashion Week
Por Oskar Viéitez
Os Estudos Superiores de Deseño Téxtil e Moda de Galicia (Esdemga) participarán por primeira vez nun encontro internacional de escolas de moda en Londres. A Universidade é unha das 32 institucións non británicas convidados á Graduate Fashion Week.
Entre o 4 e o 7 de xuño, a Esdemga foi convidada a participar neste "importante escaparate" que reúne no Truma Brewery londinense ao persoal de recursos humanos das principais firmas de moda, como sinala a directora da titulación que se imparte na Facultade de Belas Artes, Lola Dopico, que salienta tamén a oportunidade que esta invitación supón á hora de "traballar conexións internacionais" para o máster en Deseño e Dirección Creativa de Moda, que comezará a impartirse o vindeiro curso.
Universidades e escolas de Italia, Francia, Alemaña, Xapón, China, Estados Unidos, India ou Australia figuran entre as 32 seleccionadas para o International Catwalk Competitition que, o 7 de xuño, abrirá a derradeira xornada dun evento que prevé reunir a preto de 30.000 visitantes e dirixido a amosar o talento dos graduados dos centros formativos británicos.
Neste evento a Esdemga estará representada, ademais de por Dopico, pola egresada Aida Mosquera, que amosará na pasarela desta Graduate Fashion Week a colección que constituíu o seu traballo de fin de estudos, Je ne sais pas, presentada na última edición de Debut.
Relacionadas:
-
RADIO.- A playlist de... Lola Dopico. Unha muller tecida xunto varios homes
Por Marisa Ciordia |
-
Esdemga busca modelos para o seu próximo Debut, o 23 de novembro no Pazo da Cultura
Por Redacción |
-
Esdemga participou no desfile internacional da Graduate Fashion Week de Londres
Por Redacción |
-
Unha estudante da Esdemga triunfa na Mostra do Encaixe de Camariñas cunha proposta futurista
Por Redacción |
-
O campus de Pontevedra terá un novo grao e tres máster máis
Por Oskar Viéitez |
-
Rocío Laseca e Amai Rodríguez, dúas alumnas da Esdemga na Madrid Fashion Week
Por Redacción |
-
Dez anos amosando o futuro da moda galega
Por Alejandro Espiño & Mónica Patxot |