Escolas asociadas á UNESCO participan nunhas xornadas no Pazo da Cultura
Por Diego Espiño
O Pazo da Cultura de Pontevedra acollerá os días 12 e 13 de maio o III Encontro Atlántico, un evento promovido pola Rede de Escolas Asociadas á UNESCO.
Profesores e alumnos dos centros asociados traballarán en "crear liñas de traballo intercambiables entre as escolas e que as vinculen coa cultura atlántica", sinalou a concelleira de Educación e participante nestas xornadas, Carmen Fouces.
O encontro virará sobre tres liñas de actuación como son a sustentabilidade, a diversidade cultural e a reflexión filosófica e étnica da cidadanía global.
"Queremos elaborar un documento base que defina o proxecto e que podimos enviar a París", explicou á súa vez Luisa Márquez, responsable na zona das escolas ascociadas á UNESCO sobre un proxecto atlántico que, co horizonte de 2030, agardan se converta nun "proxecto faro", é dicir, unha iniciativa prioritaria para a organización que sería dotada de recursos adicionais.
Fomentar lazos con outros países e culturas atlánticas é outro dos obxectivos dun programa no que xa participan escolas de Galicia e Asturias en España pero tamén de Portugal, Cabo Verde e Uruguai. Ademais están pendentes de incorporación centros de Arxentina, Cuba, Santo Tomé e Brasil.
Nestas xornadas participarán alumnos de escolas galegas asociadas á UNESCO como o CEIP Isidora Riestra de Poio, o IES Luís Seoane e CEIP Cabanas de Pontevedra, o CIP O Toural de Vilaboa e o IES Pedra da Auga de Ponteareas, que explicarán as actividades desenvolvidas en cada centro.
O Encontro Atlántico contarña ademais cun concerto a cargo da orquestra nova do Conservatorio de Música Manuel Quiroga de Pontevedra.
Relacionadas:
-
Pontevedra reúne a escolas galegas e lusas asociadas á Unesco
Por Oskar Viéitez |
-
O IES Luís Seoane, recoñecido co Premio Nacional Convivencia Escolar
Por Redacción |
-
RADIO.- Luisa Márquez, reivindicativa por natureza
Por Marisa Ciordia |
-
A Facultade de Ciencias da Educación celebra o seu ingreso na rede de Escolas Unesco
Por Redacción |