Buscas traballo para este verán? Sanxenxo ofrece 24 prazas de auxiliar de Policía Local
Por Redacción
Se queres optar a ser auxiliar da Policía Local en Sanxenxo tes que ser maior de idade, non estar condenado por ningún delito doloso nin estar inhabilitado para o exercicio de funcións públicas. Requírese contar co graduado escolar. Estas son as condicións para poder conseguir formar parte do persoal de traballadores coa que se vai a reforzar a Policía Local da vila turística durante este verán.
O Concello encargarase de que as persoas seleccionadas reciban a formación adecuada a través dun curso obrigatorio na Academia Galega de Seguridade Pública. O obxectivo é que durante a época de máis presencia de visitantes atópese reforzado de persoal o departamento da Policía Local para atender aos diversos servizos, segundo explica a concelleira de Seguridade, Vanessa Rodríguez Búa.
O prazo de presentación de solicitudes finaliza o 15 de maio. Incorporaranse 24 auxiliares, que contarán cun contrato de tres meses de duración, de xuño a setembro, a xornada completa de luns a domingo, cos correspondentes días de descanso semanal.
As bases pódense consultar na web do Concello. A documentación deberá entregarse no Rexistro Xeral.
O proceso de selección desenvolverase os días 18 e 19 deste mes mediante o sistema de oposición e comezará cun control de estatura dos candidatos que, como mínimo, será de 1,65 para homes e 1,60 para mulleres. Os aspirantes deberán superar probas físicas de salto vertical e de 1.000 metros lisos de carreira. Ademais terán que contestar unha proba tipo test, sobre os contidos do temario que se inclúe na convocatoria. Tamén se someterán a unha entrevista persoal onde se avaliará o grao de coñecemento do municipio e da toponimia.
Relacionadas:
-
Os aspirantes a policías locais de Sanxenxo, a proba
Por Redacción |
-
Comisiones Obreras denuncia a falta de recursos e de personal da Policía Local de Sanxenxo
Por Oskar Viéitez |
-
Os policías locais de Sanxenxo poñerán multas "a toda máquina"
Por Oskar Viéitez |
-
Reforzan a seguridade no porto deportivo de Sanxenxo para Semana Santa
Por Redacción |