Nove furanchos de Marín cumpren con toda a normativa municipal
Por Redacción
Ata nove furanchos de Marín cumpren con todos os requisitos para poder abrir as súas portas. Así o destacou o goberno municipal, que recorda que son os únicos que contan cun cartel identificativo que acreditan que están legalmente establecidos.
A actividade de todos eles, recordan desde o Concello, está regulada por unha ordenanza do ano 2013 que, entre outros requisitos, lles compromete a que todo o viño que se sirva no furancho debe ter a súa orixe en viñas emprazadas no termo municipal de Marín e a súa comarca.
O viño subministrado non pode ser viño embotellado, senón que debe proceder directamente dos barrís debidamente numerados. Ademais, a degustación do viño poderá ser acompaña de catro tipos de tapas, orella-chourizo, tortilla, zorza-raxo, empanada, e unha máis a elixir entre callos ou costela.
A mesma ordenanza tamén é de aplicación os tradicionais "loureiros", nos que a única diferencia radica en que os produtos alimentarios son levados pola clientela.
A tempada de actividade furancheira en Marín comezou o 1 de febreiro e rematará o 30 de xuño. Excepcionalmente, pode modificarse este período de apertura pero nunca máis aló do 31 de xullo.
Nos próximos días, a Policía Local fará una revisión para detectar furanchos con actividade sen legalizar.
Relacionadas:
-
Comeza a tempada de furanchos en Marín
Por Redacción |
-
Os furancheiros de Marín e o Concello achegan posturas tras a última modificación da ordenanza
Por Redacción |
-
Marín unifica a imaxe identificativa dos seus furanchos
Por Redacción |
-
Os furanchos de Marín, obrigados a amosar un cartel identificativo
Por Redacción |