832 persoas asistiron aos cursos de formación en novas tecnoloxías da Deputación
Por Redacción
No primeiro trimestre do ano máis de 800 proxectos empresariais participaron nos obradoiros de "SmartPeme", a iniciativa de asesoramento sobre novas tecnoloxías dirixida a autónomos, emprendedores e pequenas e medianas empresas (PEMES), posta en marcha pola Deputación.
Esta cifra supón un incremento do 47% respecto ás 556 persoas que participaron nos obradoiros durante o mesmo período do ano anterior. Dende o goberno provincial que preside Carmela Silva valoran estes datos coma "moi positivos" e sinalan que "poñen de manifesto a utilidade do proxecto".
En concreto, entre xaneiro e marzo de 2017 o "SmartPeme" ofreceu 91 cursos, 10 máis que os impartidos o ano pasado, nos que participaron 832 persoas.
Os cursos foron do máis variado, dende formación básica en redes sociais, almacenamento de datos na nube ou como usar Instagram na empresa, ata o uso de ferramentas de traballo específicas como Hootsuite ou Facebook Ads.
Ademais, neste primeiro trimestre de 2017, os servizos de asesoramento de SmartPeme foron solicitados por 297 empresas, fronte ás 221 que o fixeron no curso anterior, o que permitiu resolver 422 consultas relacionadas con diversos ámbitos das TIC, o que representa un aumento de case o 50%.
Relacionadas:
-
Pontevedra acolle este mes de marzo oito novos obradoiros do programa "Smartpeme"
Por Redacción |
-
A oficina de Smartpeme en Pontevedra leva atendidas 150 empresas da cidade no que vai de ano
Por Oskar Viéitez & Mónica Patxot |
-
SmartPeme incorporará unha carteira de servizos para o sector turístico
Por Oskar Viéitez |
-
O proxecto Smartpeme da Deputación resolveu case 1.400 consultas
Por Redacción |
-
Novembro, mes das TIC co programa 'SmartPeme' da Deputación
Por Redacción |
-
Máis de 38.000 persoas participan en oito programas de actividades da Deputación
Por Redacción |
-
Como ser máis competitivos grazas á tecnoloxía
Por Oskar Viéitez |