Cidadáns esixe ao Concello que regule o novo aparcadoiro para autocaravanas
Por Oskar Viéitez
O aparcadoiro para autocaravanas habilitado nos antigos terreos de Tafisa está a operar sen un regulamento municipal que fixe as súas condicións de uso, segundo denuncia a concelleira do grupo municipal de Cidadáns, María Rey, despois de consultar este aspecto co gabinete da Alcaldía do Concello.
Para a edil da agrupación laranxa, esta situación é unha "nova mostra de que o goberno do Bloque Nacionalista Galego segue parcheando as súas actuacións".
María Rey considera que a creación desta área para autocaravanas era "necesaria e demandada", trasladando o apoio do seu partido a "calquera iniciativa que sirva para dinamizar turísticamente Pontevedra, sempre de maneira planificada e adecuada".
Neste caso, María Rey sostén que non se pode crear un aparcadoiro sen facer un estudo sobre a localización máis idónea, algo que se bota en falta, "porque se construíu onde dixo o alcalde e iso é caciquismo". Ademais, esta concelleira cre que antes de crear un aparcadoiro, "habería que desenvolver, polo menos, o borrador dun regulamento municipal que fixe as súas condicións de uso".
"Volvemos empezar a casa polo tellado", engade.
O grupo municipal de Cidadáns presentará unha moción para esixir ao equipo de goberno que elabore, presente e explique esta normativa e para iso Cidadáns ofrécese para facilitar ao grupo nacionalista unhas directrices sobre que debe incluír un regulamento para unha área de estacionamento de autocaravanas, "que nós xa estamos a estudar", engadiu María Rey.
Relacionadas:
-
O goberno local acusa á oposición de "atrancar" o traballo municipal
Por Oskar Viéitez | Creada e actualizada
-
Poio estreará unha nova área de autocaravanas
Por Oskar Viéitez |
-
Lores sobre a área de autocaravanas: "Era unha espiña que tiñamos cravada"
Por Diego Espiño |
-
Estrea ao grande para a área de autocaravanas: 160 vehículos chegados de toda España e Portugal
Por Natalia Puga & Diego Torrado |
-
As autocaravanas xa teñen espazo propio en Pontevedra
Por Alejandro Espiño & Mónica Patxot |
-
Autocaravanas de toda España inaugurarán en Semana Santa a área habilitada en Pontevedra
Por Alejandro Espiño |