Pedro Sánchez fará campaña esta semana en Pontevedra para liderar o PSOE
Por Redacción
Tras o seu baño de masas en Ponte Caldelas o pasado 15 de marzo, Pedro Sánchez regresará a Pontevedra esta semana dentro da campaña de primarias para liderar o PSOE. Será este mércores 26 de abril nun encontro con militantes na cidade do Lérez ás 20.00 horas.
O lugar escollido para o acto será a praza do Teucro, un dos espazos emblemáticos do centro histórico da cidade. A continuación, está previsto que se desprace ata Santiago de Compostela.
Anteriormente á chegada a Pontevedra, Pedro Sánchez fará unha parada en Cuntis, onde ás 18:30 horas terá tamén un acto de encontro con militantes da comarca, na Casa da Cultura, biblioteca Roberto Branco Torres da vila termal.
Na cidade de Pontevedra o ex secretario xeral do PSOE conta con importantes apoios dentro da agrupación local, entre eles, dous dos tres concelleiros do grupo municipal socialista, o portavoz, Agustín Hernández, e a edil Paloma Castro. O terceiro edil, Iván Puentes, manifestou publicamente as súas simpatías cara a Patxi López promovendo un encontro deste coa militancia no Café Moderno hai escasas semanas.
O apoio dos socialistas pontevedreses a Pedro Sánchez é incuestionable. De feito, un grupo de militantes promoveu unha plataforma de apoio á súa candidatura para volver liderar o partido constituída en marzo na sede da agrupación local e encabezada por Tino Fernández.
Nas súas anteriores visitas á cidade, Pedro Sánchez recibiu un respaldo masivo de militantes e simpatizantes afíns. A última foi aínda como secretario xeral do PSOE durante a campaña ás eleccións autonómicas galegas do pasado setembro en apoio ao candidato Xaquín Fernández Leiceaga e os socialistas pontevedreses respaldárono nun dos actos máis concorridos daquela cita electoral na cidade.
Relacionadas:
-
Pedro Sánchez recruece en Pontevedra, a cidade de Rajoy, as súas críticas á corrupción no PP
Por Alejandro Espiño & Mónica Patxot |
-
Un Pedro Sánchez "muy animado" polas primarias do PSOE dáse un baño de masas en Ponte Caldelas
Por Alejandro Espiño & Mónica Patxot |
-
Ponte Caldelas, primeira parada galega na campaña de Pedro Sánchez polo liderado do PSOE
Por Alejandro Espiño |
-
A crise interna do PSOE chega a Pontevedra, divididos entre partidarios de Sánchez e dos críticos
Por Alejandro Espiño | Creada e actualizada
-
Pedro Sánchez anima desde Pontevedra a votar ao PSOE para "sacarle la tarjeta roja" a Feijóo e Rajoy
Por Alejandro Espiño & Cristina Saiz |
-
Baño de masas en Pontevedra dun Pedro Sánchez que improvisa un mitin en plena rúa
Por Alejandro Espiño & Mónica Patxot |