Tres meses para rozar os espazos municipais de Ponte Caldelas
Por Oskar Viéitez
O Concello de Ponte Caldelas iniciou esta Semana Santa a campaña anual de limpeza e corta da broza en todos os camiños e espazos públicos municipais. Un traballo que vai levar uns tres meses para repasar e deixar nas mellores condicións posibles os 33 lugares do mapa rural caldelán.
A campaña púxose en marcha hai dous anos e, nesta ocasión, chega con dous meses de adianto, pois a experiencia acumulada aconsella comezar antes para rematar o repaso ao comezo do verán.
Os operarios municipais iniciaron o labor pola capela da Saúde, onde a próxima semana celébrase unha tradicional procesión á que acode moita xente.
A partir do próximo luns incorpóranse ao cadro de persoal municipal os primeiros efectivos do Plan de Emprego da Deputación, co que serán un total de cinco persoas as que se ocuparán deste operativo.
O Concello de Ponte Caldelas optou por contratar menos xente, pero pagando o salario do convenio da construción no marco dunha política de máximo respecto aos dereitos dos traballadores.
Relacionadas:
-
A brigada municipal comeza a limpeza nos 33 núcleos de Ponte Caldelas
Por Redacción |
-
Ata 3.000 euros de multa para as fincas sen limpar de Ponte Caldelas
Por Redacción |
-
O distrito forestal de Pontevedra destina medio millón de euros para rozar 248 hectáreas
Por Redacción |
-
Un bo chorreo para as beirarrúas de Ponte Caldelas
Por Redacción |
-
Licitan a explotación do quiosco da praia fluvial da Calzada
Por Redacción |
-
Ponte Caldelas "chulea" de varredora
Por Redacción |
-
Once traballadores incorporaranse en Ponte Caldelas a partir do 15 de abril
Por Redacción |