Os policías locais de Sanxenxo poñerán multas "a toda máquina"
Por Oskar Viéitez
A Policía Local de Sanxenxo conta desde hai uns días como un novo sistema que permite a informatización das denuncias de tráfico. Cada axente dispón dunha axenda electrónica que permite o inicio inmediato da tramitación da denuncia a través de internet.
Os terminais móbiles estarán conectados coa base de datos da Dirección Xeral de Tráfico, o que permitirá que os datos do propietario do vehículo se carguen automaticamente, á vez que se coñecerá se o vehículo dispón de seguro e ITV en vigor. Unha mini-impresora portátil facilitará entregar unha copia da denuncia ao condutor.
O terminal permite tamén tomar fotografías, que se achegan ao expediente sancionador como proba da infracción cometida, no caso de que o denunciado presente alegacións.
Esta informatización situará á Policía Local de Sanxenxo ao nivel tecnolóxico doutros corpos policiais da provincia, como Pontevedra ou Vigo no relativo á axilidade e exactitude, evitando erros na transmisión de datos e na tramitación das denuncias, porque estas iniciaranse en liña e no acto.
O sistema, que leva en fase de probas desde hai unha semana, tanto da aplicación informática como dos equipos e a formación dos funcionarios, espérase que se atope plenamente operativo durante a Semana Santa.
Preténdese que para o verán, poida chegar a dispoñerse de aplicacións específicas para tramitar as denuncias por infraccións ás diversas ordenanzas municipais, no relativo ao medio ambiente, botellón, ruídos, horarios de peche e ocupacións de vía pública, entre outras.
Relacionadas:
-
Telmo Martín reforza a seguridade para "evitar que se manche o nome de Sanxenxo"
Por Oskar Viéitez |
-
Buscas traballo para este verán? Sanxenxo ofrece 24 prazas de auxiliar de Policía Local
Por Redacción |
-
Comisiones Obreras denuncia a falta de recursos e de personal da Policía Local de Sanxenxo
Por Oskar Viéitez |
-
Os populares critican que o goberno local sexa "incapaz de ter Sanxenxo limpo"
Por Oskar Viéitez |
-
Reforzan a seguridade no porto deportivo de Sanxenxo para Semana Santa
Por Redacción |
-
Sanxenxo reclama máis presenza policial en Semana Santa e o verán
Por Redacción |
-
Oito chalecos antibala para a Policía Local de Sanxenxo
Por Redacción |