A discapacidade intelectual non é un obstáculo para ser funcionario
Por Redacción
O 8 de abril, 17 usuarios de ASPACE-Galicia acudirán ao primeiro proceso selectivo da Xunta reservado exclusivamente para persoas con discapacidade intelectual no Pazo de Congresos de Santiago de Compostela.
Máis de 400 opositores presentaranse ás 10 horas, ás probas do concurso-oposición da Xunta para cubrir as 6 prazas ofertadas para o posto de ordenanza. En canto ás prazas que se ofertan en Galicia, os destinos serán para A Coruña, Lugo, Ourense, Pontevedra e Santiago.
En ASPACE-Galicia, dous profesionais prepararon ao grupo de opositores con parálise cerebral que realizará a primeira proba tipo test. Un opositor é de Pontevedra, 12 de Vigo e 4 da Coruña.
Serán as primeiras oposicións da Xunta de Galicia que se reservan exclusivamente a persoas con discapacidade intelectual para facilitar a inserción laboral do colectivo na Administración. Para 2016, a Xunta incrementou a Oferta de Emprego Público ata as 33 prazas: 17 para celadores do SERGAS, 12 para funcionarios subalternos e 4 para o corpo auxiliar (Grupo C2).
Relacionadas:
-
VIDEO.- Sorpresa polo Día do Pai: Hugo xa camiña só
Por Alejandro Espiño |
-
Amencer-Aspace continua o seu proxecto pioneiro "Inclusión á Inversa"
Por Luca Yohan Silva Lamy |
-
Sanidade garante o seu compromiso con Aspace
Por Redacción |
-
Persoas con parálise cerebral loitan por entrar no mercado laboral
Por Redacción |