![](/web/cache/scene/uploads/fotos/foto/b7a/_S7QytKoutjK3UsovKMnMzytWsi62MrKwUqrKz891Lsov0DGzMN_/_AxNjDQyUlNK9HJzUxJyUlVsq4FAA==_/58e3bf416c-chan8.jpg)
© Concello de Cerdedo-Cotobade
A Deputación e o Concello de Cerdedo-Cotobade reformarán o núcleo da Chan
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
O Concello de Cerdedo-Cotobade acaba de iniciar a tramitación administrativa para acometer a terceira fase da reforma urbana do núcleo da Chan, na parroquia de Carballedo, que incluirá a humanización da praza, da travesía do concello e da contorna da capela de San Roque.
A Deputación de Pontevedra asumirá o 70% dos 607.000 euros do orzamento.
O presidente de Cerdedo-Cotobade, Jorge Cubela, e o deputado delegado de Mobilidade, Uxío Benítez, sellaron este martes o acordo de financiamento para acometer unha obra que humanizará todos os espazos da contorna da Praza da Chan, dará preferencia peonil a este lugar e mellorará a imaxe da capela de San Roque.
Asimesmo, o proxecto inclúe a creación dunha bolsa de aparcadoiros dotada con 50 prazas, un servizo moi demandado nesta contorna onde se acumulan equipamentos como a casa consistorial, o banco ou o centro médico, entre outros.
Estas cuestións recolleranse nun convenio a asinar nos vindeiros meses.
Esta actuación suporá a terceira fase do plan de reforma urbana da Chan, que comezou no ano 2012 e que contemplou, ata a data, a reforma da Praza do Concello e a dotación de beirarrúas e renovación de servizos na travesía principal por parte da Xunta.
A Deputación e o Concello de Cerdedo-Cotobade reformarán o núcleo da Chan
© Concello de Cerdedo-Cotobade