Pontevedra converterase na "Provincia Tonucci"
Por Oskar Viéitez & Mónica Patxot
A Deputación de Pontevedra converterá Pontevedra na "provincia Tonucci" entre abril e xuño coa organización de ducias de actividades entre as que destacan unha visita do propio pedagogo italiano, que percorrerá varias comarcas, dunha exposición retrospectiva das súas viñetas, e a celebración dun encontro da rede española de cidades dos nenos auspiciada baixo a súa filosofía.
A intención é achegar ao público a súa visión da infancia, da pedagoxía e dos espazos públicos, que segundo defende, deben ser deseñados á medida das crianzas para que poidan ser aproveitados polo resto da cidadanía.
"Vai ser algo que pola súa trascendencia e potencia, polas actividades programadas e pola propia presencia de Tonucci, dificilmente sexa comparable a ningunha actuación feita ata agora tanto en Pontevedra ou noutras localidades", subliñou o vicepresidente Mosquera, quen indicou que o departamento de Mobilidade da Deputación leva traballando dende o ano pasado para poder poñer en marcha todos os eventos.
Entre o 28 de abril e o 11 de xuño no Pazo da Cultura de Pontevedra acollerá a exposición "Imaxinar a educación. 50 anos con Frato"
Na semana do 22 ao 29 de abril, o propio pedagogo italiano percorrerá a provincia con conferencias visitas a concellos e outras actividades.
Finalmente o 25 e 26 de maio, Pontevedra acollerá a reunión anual da Rede Española de Cidades dos nenos, que achegará ata a cidade do Lérez a máis dun cento de representantes de administracións e entidades de todo o Estado para expoñer o seu traballo, contrastar as súas iniciativas e, sobre todo, para coñecer "in situ" o coñecido "modelo Pontevedra".
Relacionadas:
-
A relación entre Pontevedra e Tonucci, unha "profunda simbiose"
Por Redacción |
-
O consello de Tonucci: adaptar o modelo urbano de Pontevedra á personalidade de Cambados e O Grove
Por Redacción |
-
A imaxinación infantil visibilizarase no Pazo da Cultura cos debuxos de Frato
Por Mónica Patxot & Anxo Lourido |
-
Tonucci avoga por que os nenos participen no goberno das cidades
Por Oskar Viéitez & Mónica Patxot |
-
O Pazo da Cultura acollerá a exposición 'Imaxinar a educación. 50 anos con Frato'
Por Oskar Viéitez |
-
Mosquera: "Os cambios substanciais para mellorar unha cidade pódense facer en tres anos"
Por Redacción |
-
O programa Camiños Escolares pega un salto para abandonar o seu "estancamento"
Por Oskar Viéitez |
-
Tonucci revisa os Camiños Escolares e suxire algúns cambios na iniciativa
Por Alejandro Espiño & Mónica Patxot |
-
Tonucci: "Os nenos son peóns e nada máis. Se a cidade non é axeitada para os peóns, resultan excluídos"
Por Alejandro Espiño & Mónica Patxot |