Pontevedra Viva!

Máis +
Empanadillas estilo gourmet

CC BY-NC-SA Núria Farregut

Empanadillas de bonito ao estilo gourmet de Conservas Pescamar

Noticia patrocinada

Por Noticia patrocinada

Bonito do Norte Pescamar

© Conservas Pescamar

Bonito do Norte en aceite de oliva Pescamar

© Conservas Pescamar

Chegamos á undécima entrega de "A cociña gourmet en conserva" cunha receita de empanadillas que admite diferentes combinacións de ingredientes, como os que nos brindan os produtos do mar de alta calidade de Conservas PESCAMAR.

Nesta ocasión, Conservas PESCAMAR proponnos un recheo de Bonito do Norte. Tamén chamado Atún Branco, é a especie máis cotizada dentro da familia dos túnidos. Caracterízase polo seu exquisito sabor, suave textura e ton branco.

O Bonito do Norte é un peixe azul rico en graxa saudable, xa que contén gran cantidade de ácidos graxos poliinsaturados, indicados para reducir os niveis de "colesterol malo". A esta calidade, hai que engadir os efectos beneficiosos para a saúde cardiovascular da súa presentación en aceite de oliva.

Para preparar unhas deliciosas empanadillas recheas de Bonito do Norte en aceite de oliva Pescamar necesitamos os seguintes ingredientes:

- Masa para empanadillas

- 2 latas de Bonito do Norte en aceite de oliva Pescamar

- 3 pementos (vermello, verde e amarelo)

- 1 tomate maduro

- 1 cebola   

- 1 folla de loureiro

- Condimento de pemento doce

- Viño branco

- Aceite de oliva

- Un ovo (opcional)

Elaboración:

Para preparar o recheo, poñemos nunha tixola un fondo de aceite de oliva e pasamos o tomate maduro, a cebola e os tres pementos cortados en tiras finas. Cando estean a medio facer, engadimos o condimento de pemento doce, a folla de loureiro e un pouco de viño branco.

Retiramos do lume, deixamos arrefriar e incorporamos o Bonito do Norte en aceite de oliva Pescamar, previamente escorrido e esmigallado.

Enchemos a masa das empanadillas coa mestura do guiso. Dobramos polo medio, de modo que quede a masa pechada en forma dunha semilúa, e selamos os bordos axudándonos dun garfo. Vernizamos co ovo e enfornamos 15 minutos aproximadamente.

Outra opción é prescindir do ovo e fritir as empanadillas en aceite. Neste caso, unha vez fritas, escorrémolas con papel de cociña absorbente.

Podemos presentar as empanadillas sobre unha cama de follas de leituga, cóengos ou rúcula. É unha boa opción para un entrante.

Nuns días, os produtos do mar serán de novo protagonistas dunha nova receita de "A cociña gourmet en conserva" de Conservas PESCAMAR.

Relacionadas: