A recollida de tapóns permite que Nahir conte con seis meses de terapia para a súa parálise cerebral
Por Anxo Lourido
A finais de outubro de 2016, a Fundación Amigos de Galicia iniciaba unha campaña para recoller tapóns co obxectivo de obter recursos económicos para financiar o tratamento de Nahir, unha nena pontevedresa de 5 anos de idade, que sofre parálise cerebral.
A menor precisa de dúas terapias que supoñen un investimento superior a 10.000 euros anuais. A partir da petición realizada pola nai da nena, os cidadáns de diferentes puntos de Galicia envorcáronse na recollida de tapóns. Recibiron cantidades importantes desde Muxía, Ferrol, O Carballiño ou Sanxenxo, entre outros puntos.
Para a captación de tapóns tamén se implicaron iniciativas como a de Taponeta Solidaria e con toda a recollida logrouse financiar seis meses do tratamento. A nai, Alejandra González, manifesta nun vídeo realizado pola Fundación Amigos de Galicia que se atopa moi contenta polo éxito da campaña e apunta que, grazas á terapia financiada con esta actividade solidaria, Nahir conta con máis elasticidade e máis control cefálico.
Os tapóns plásticos recolleitos trasladábanse á planta de Reciclaxes Plásticas A Cañiza. Con eles realízanse caixas de plástico negro.
Relacionadas:
-
Falece a nena Nahir: "Su corazón se apagó, pero no su sonrisa"
Por Redacción | Creada e actualizada
-
Un maleteiro cheo de tapóns dos escolares das Doroteas axudará na recuperación de Nahir
Por Mónica Patxot & Anxo Lourido |
-
Nahir comeza unha nova campaña para acadar 20 millóns de tapóns que lle permitan continuar co tratamento
Por Mónica Patxot & Anxo Lourido |
-
Na busca de "bigotes brancos" para case 300 nenos de Pontevedra
Por Alejandro Espiño |
-
RADIO.- Un tapón non enche a taponeta, pero axuda a que estea completa
Por Marisa Ciordia |
-
13 sacos de tapóns para Nahir
Por Redacción |
-
Á procura de tapóns para axudar a que Nahir, unha nena pontevedresa de 5 anos, poida moverse
Por Mónica Patxot & Anxo Lourido |