Sanxenxo investirá case 21.000 euros en tentar frear a praga do 'picudo vermello'
Por Redacción
A praga do picudo vermello chegou a Sanxenxo, infectando polo momento dúas palmeiras e converténdose nunha das principais preocupacións da Concellería de Medio Ambiente.
Así o recoñece Coral González-Haba, responsable desta parcela, e que baralla diferentes opcións para tentar salvar dos efectos deste insecto ás 69 palmeiras plantadas nas rúas do municipio.
Tras reunirse con Pedro Mansilla, enxeñeiro xefe da Estación Fitopatolóxica do Areeiro, comprobaron que dous dos tres exemplares situados na entrada de Sanxenxo, na Avenida de León, estaban infectados polo picudo vermello.
Coa experiencia do ocorrido noutras localidades, na que non foi sinxelo frear os avances desta praga, comezaron a traballar nun plan de actuación.
"Creo además que la Consellería de Medio Ambiente debería también respaldar económicamente a los municipios afectados por esta plaga, que se ven en la obligación de asumir partidas importantes para frenar los efectos de este devastador insecto, cuando no se trata de un problema que afecte exclusivamente a Sanxenxo", sinalou a edil.
Segundo os datos que manexa a Concellería de Medio Ambiente o custo do tratamento a cada palmeira rolda os 300 euros que, multiplicados polos 69 exemplares que ten Sanxenxo, elevaría o gasto aos 20.700 euros.
Relacionadas:
-
"Este foi o ano da eclosión definitiva do picudo"
Por Redacción |
-
O picudo segue cobrándose vítimas en Marín
Por Redacción |
-
Comezan os traballos para eliminar dúas árbores do Sexto Edificio
Por Mónica Patxot |
-
Marín talla seis palmeiras vítimas da praga do picudo
Por Redacción |
-
A loita contra a praga de picudo vermello nas palmeiras, a estudo en Pontevedra
Por Redacción |
-
Aplican un tratamento contra o picudo vermello nun total de 80 palmeiras municipais
Por Redacción |