Andrés Díaz reta a Rueda a visitar Ponte Caldelas para abordar a discriminación da Xunta co Concello
Por Redacción
Tras a visita que o vicepresidente da Xunta de Galicia, Alfonso Rueda, realizaba ao Concello da Lama, o alcalde de Ponte Caldelas reaccionou sinalando que tan só foi para criticar absurdamente ao Concello de Ponte Caldelas. Para Andrés Díaz, a visita rozaba o esperpento e relaciónaa coa "absoluta obsesión do PP co cambio que se está producindo no municipio cabeceira da comarca do Verdugo".
Desde o goberno local entenden que a visita se trata de "unha mostra de debilidade" e móstrase sorprendido porque durante tres días nunha semana, a Xunta de Galicia falou sobre Ponte Caldelas e non lembran unha visita institucional tan estraña como a de Rueda ao Concello da Lama.
Díaz apunta que o presidente Núñez Feijóo non atendeu a súa petición de entrevista e aproveita para convidar formalmente o vicepresidente Alfonso Rueda á Casa do Concello para falar cara a cara e tratar os problemas reais do municipio. O goberno local considera que desde a Xunta de Galicia está a discriminarse a Ponte Caldelas respecto de Cerdedo-Cotobade, que recibe un financiamento por parte da administración autonómica 50 veces superior e A Lama, que obtivo axudas ata 20 veces superior, segundo indican desde o goberno de Díaz.
Para esa entrevista, o alcalde propón tratar a sustiución temporal do CIM por unha asesoría xurídica especializada en violencia e dereito de familia, debido á xestión do anterior equipo de goberno do PP que, segundo apunta, prorrogou irregularmente o contrato de servizos durante unha década provocando unha demanda laboral das traballadoras solicitando converterse en persoal laboral fixo.
O alcalde indica que en 2018 volverá solicitar a subvención para crear o CIM con outros parámetros. Ademais denuncia que na visita de Rueda á Lama atopábase o delegado territorial en Pontevedra, José Manuel Cores Tourís, quen no seu estapa como alcalde de Cambados pechou o CIM en 2006.
Díaz convida a Rueda a tratar tamén a situación da PO-234; as obras de ampliación do colexio da Reigosa; o mantemento da área arqueolóxica de Tourón; da apertura da Casa da Quintán como centro de día para maiores; do centro de saúde e sobre as obras de saneamento pendentes.
Relacionadas:
-
O alcalde de Ponte Caldelas critica que a Xunta non invista na rede de saneamento do municipio
Por Redacción |
-
Corrixen as filtracións de pluviais no paseo polo río Verdugo
Por Redacción |
-
Andrés Díaz tacha de "falta de respecto institucional" a ausencia da conselleira na reunión sobre a PO-234
Por Redacción |
-
Ponte Caldelas esixe á Xunta que comece xa as obras da PO-234
Por Redacción |
-
Os socialistas reclaman á Xunta que asuma os Centros de Información á Muller
Por Oskar Viéitez |
-
Denuncian ante a Comisión Europea o peche do CIM de Ponte Caldelas
Por Oskar Viéitez |
-
Ponte Caldelas estrea talleres de prevención de violencia de xénero
Por Redacción |
-
Rueda ve "bastante absurdas" as explicacións de Ponte Caldelas sobre o peche do CIM
Por Redacción |
-
O goberno local de Ponte Caldelas pide a destitución inmediata da secretaria xeral de Igualdade
Por Oskar Viéitez | Creada e actualizada
-
A Xunta insta o Concello de Ponte Caldelas a que rectifique a súa decisión de pechar o CIM
Por Redacción |
-
A Xunta insta o Concello de Ponte Caldelas a que rectifique a súa decisión de pechar o CIM
Por Redacción |