Salcedo rende homenaxe ás vítimas da represión franquista
Por José Luiz Oubiña
A parroquia de Salcedo lembrou ás persoas que perderon a súa vida ou sufriron os danos do golpe de estado co levantamento militar de Franco. Esta parroquia foi unha das máis activas do concello de Pontevedra, xunto con Mourente e Lérez nos inicios do século XX. O seu movemento agrario, obreiro e de esquerdas provocou que se convertese en obxecto dos castigos contra a xente traballadora, que chegaron a pagalo coa morte, a carcel, a rapa, a tortura, violacións ou tatuaxes.
Durante este sábado levou a cabo o acto 'Salcedo, a represión franquista contra a loita obreira e agraria' para homenaxear ás persoas que foron vítimas da represión.
Coa presenza do concelleiro Luís Bará iniciouse unha ruta da memoria polos lugares de Ruibal e A Torre visitando a casa queimada na que asasinaron a Manuel Gómez Corbacho e a Manuel Méndez Montes. O historiador Xosé Álvarez Castro e a xornalista e escritora Montse Fajardo interviñeron facendo un repaso á historia das vícimas para a continuación descubrir un panel de homenaxe.
A continuación desenvolveuse unha ofrenda de música, ver e flores no cemiterio parroquial en memoria dos presos do cuartel de Figueirido con intervención dos familiares.
Os actos concluíron na Casa Verde, cunha proxección de fotografías de persoas represalidas da parroquia de Salcedo.
Relacionadas:
-
A Deputación rende homenaxe ás mulleres vítimas do alzamento fascista de 1936
Por Oskar Viéitez & Mónica Patxot |
-
Pontevedra homenaxea mariscadoras xubiladas no Pazo de Mugartegui
Por Redacción & Mónica Patxot |
-
Segue vivo o franquismo na sociedade actual?
Por Redacción |
-
'Non des a esquecemento', relatos emocionais e éticos recollidos por Luís Bará sobre os silenciados
Por Mónica Patxot & Anxo Lourido |
-
RADIO.- O Concello ofrece unha homenaxe ás máis de 70 vítimas represaliadas de Salcedo
Por Marisa Ciordia |
-
O Teatro Principal, escenario de homenaxe ás vítimas silenciadas durante o franquismo
Por Redacción |