Os populares de Ponte Caldelas esixen ao alcalde que consiga os terreos para a PO-234
Por Redacción
O Partido Popular de Ponte Caldelas volve esixir ao alcalde que traballe na consecución dos terreos para a reforma da PO-234.
Na reunión mantida este mércores entre a conselleira de Infraestruturas e os alcaldes de Cerdedo-Cotobade e Ponte Caldelas, a Xunta deixou claro que executará toda a obra en canto dispoña dos terreos necesarios, cuxa consecución gratuíta deixa en mans dos concellos.
"A Xunta de Galicia sempre dixo que unha das condicións para a execución da obra era que se cedesen os terreos e que non houbese expropiacións, así se lle trasladou aos dous concellos, quedando estes encargados de conseguir as cesións por escrito dos terreos por parte dos propietarios", lembran o portavoz dos populares caldelanos, Ricardo Castro.
"Se Andrés Díaz conseguise as cesións en xuño cando llas pediu a Xunta, hoxe a estrada xa estaría en obras, pero preferiu non facelo para buscar un conflito coa Xunta en período electoral", denunciou o edil do PP.
Finalmente lembran que o anterior alcalde do PP, Perfecto Rodríguez, xa se encargou de obter a cesión por escrito dos terreos para obras en estradas de titularidade da Xunta ou a Deputación, para a construción das beirarrúas en Cuñas, a estrada de Borela ou da rotonda tamén situada en Cuñas.
Relacionadas:
-
O PP di que alcalde de Ponte Caldelas está "obsesionado polas fotos e os titulares" e esíxenlle que se poña a traballar
Por Oskar Viéitez |
-
Ponte Caldelas reclamará da Xunta un convenio vinculante para as obras da PO-234
Por Redacción |
-
Andrés Díaz expresa o seu enfado e "decepción" a Ethel Vázquez pola reforma da PO-234
Por Oskar Viéitez |
-
O alcalde de Ponte Caldelas e a conselleira de Infraestruturas sentarán a falar da PO-234
Por Oskar Viéitez |
-
Andrés Díaz afirma que a Xunta inviste 50 veces máis en Cotobade que en Ponte Caldelas
Por Redacción |
-
Ponte Caldelas invita á conselleira de Infraestruturas a "percorrer o perigoso trazado da PO-234"
Por Redacción |