Descubren un novo petróglifo en Salcedo
Por Redacción
Os traballos arqueolóxicos que o Concello desenvolve nos terreos escollidos para situar o campo de fútbol de Salcedo, no lugar de Cabanas, acaban de descubrir un novo petróglifo na zona. É unha combinación de círculos concéntricos (son tres círculos cunha pequena coviña) e a poucos metros unha coviña aillada.
Xa se limpou toda a superficie de afloramento deste petróglifo sen que aparecese ningún achado novo, e tamén se están a facer catas mecánicas para complementar a intervención e detectar a posible presenza doutros restos vinculados a este petróglifo como cerámica, por exemplo.
Está previsto que o mércores rematen os traballos sobre o terreo, no que tamén se fará un levantamento topográfico do achado. E a continuación comezará o traballo de documentación.
Cabe lembrar que nesta zona está catalogado un petrógiflo coñecido como Do Cruceiro/ Monte do Castro, que está fóra dos terreos escollidos para instalar o campo de fútbol.
Mentres non rematen os traballos dos arqueólogos, non se poderá tomar unha decisión sobre como afecta este achado ao proxecto do campo de fútbol.
Relacionadas:
-
O PP propón trasladar o petróglifo aparecido en Salcedo para construír o campo de fútbol
Por Redacción |
-
O Casal acollerá o campo de herba sintética que compartirán Salcedo e Lourizán
Por Redacción |
-
Principio de acordo para reubicar no Casal o campo de fútbol de Salcedo-Lourizán
Por Redacción |
-
Salcedo deberá buscar novos terreos para o seu campo de fútbol
Por Alejandro Espiño |
-
Recta final dos traballos arqueolóxicos previos á construción do campo de fútbol de Salcedo
Por Redacción |
-
En marcha vintesete obras no rural por valor de 1,5 millóns de euros
Por Alejandro Espiño |