O 19 de decembro remata o prazo para que os concellos se adhiran ao plan de compostaxe
Por Redacción
Ata 100.000 veciños da provincia beneficiaranse da compostaxe grazas ás novas subvencións do Plan Revitaliza. O vicepresidente César Mosquera así o asegurou este xoves na reunión que mantivo con alcaldes, concelleiros e técnicos para explicar as liñas de axuda da segunda fase do programa provincial que, para este ano, ascenden a 1.250.000 euros e permitirán aos concellos mercar composteiros individuais e comunitarios.
Segundo indicou, "o obxectivo é que a mediados de 2017 boa parte da provincia aplique a compostaxe como sistema de xestión do lixo".
No encontro cos representantes municipais Mosquera explicou que os concellos teñen de prazo ata o 19 de decembro para formalizar en Pleno ou aprobar en Xunta de Goberno a súa adhesión formal ao Plan Revitaliza.
Este compromiso busca garantir que o concello traballará durante este mandato para cumprir coas obrigas legais de, no ano 2020, tratar alomenos o 35% da fracción orgánica do lixo que produce o municipio mediante compostaxe.
Unha vez formalizada a adhesión os concellos poderán beneficiarse de tres liñas de colaboración: formación de persoal, elaboración dun plan de residuos e subvención de compra de composteiros.
Relacionadas:
-
Barro acolle unhas xornadas de reciclaxe
Por Redacción |
-
O compost de Pontevedra será clave para o "cambio de cultura" na xestión de residuos
Por Alejandro Espiño & Mónica Patxot |
-
Persoal municipal e das contratas formaranse no manexo de composteiros
Por Redacción |
-
Príncipe Felipe quere converterse nunha "illa ecobiolóxica de residuo cero"
Por Redacción |
-
Barro ampliará o composteiro comunitario pola boa acollida que tivo entre a veciñanza
Por Redacción |
-
A Deputación destinará máis dun millón de euros á adquisición de novos composteiros
Por Redacción |
-
O compost de Monte Porreiro usarase na horta ecolóxica do barrio cuxa colleita será para o Banco de Alimentos
Por Oskar Viéitez |