Estudan instalar aspersores nas Palmeiras para combatir os ataques do picudo vermello
Por Redacción
Durante os pasados días, o departamento de Parques e Xardíns aplicou o cuarto tratamento contra o Picudo vermello que afecta as palmeiras do parque. O tempo caloroso das últimas semanas permite que este insecto siga afectando as especies desta contorna.
Para o próximo ano, o departamento estuda a posibilidade de instalar un micro aspersor nas copas das Palmeiras que non se vería desde o chan e que permitiría poder aplicar o tratamento cada semana ou cada dúas semanas. Coa frecuencia das aplicacións melloraría a efectividade na loita contra este coleóptero.
En decembro do 2015 observouse a presenza deste escaravello que procede de Asia no parque máis céntrico de Pontevedra, do mesmo xeito que sucedera en ao redor de vinte concellos galegos. Os ataques destes insectos causan a morte das palmeiras e resulta moi difícil actuar contra eles.