O "exitazo" de Carmela Silva
Por Oskar Viéitez
A presidenta da Deputación de Pontevedra, Carmela Silva, valorou como todo un "exitazo" o balance do Plan Concellos 2016.
Grazas ao financiamento do plan realizáronse 383 obras na provincia de Pontevedra cun investimento de preto de 30 millóns de euros.
Carmela Silva destacou que estes fondos permitiron a todos os concellos da provincia facer fronte á prestación de servizos á cidadanía.
Unha das liñas do Plan destinada á contratación de traballadores xerou 1.160 empregos en 59 concellos.
"O Plan Concellos ten permitido que todas as vilas da provincia poidan facer fronte á prestación de servizos e á garantía de dereitos, cousa que os datos visualizan con moita claridade", asegurou a presidenta provincial antes de resaltar as cifras acadadas polo plan de cooperación municipal que atendeu a 60 concellos, todos os da provincia (contando por separado Cerdedo e Cotobade, cuxa fusión foi efectiva tras o remate do Plan Concellos) agás as cidades de Pontevedra e Vigo, que contan con convenios específicos.
Carmela Silva engadiu que "estamos moi satisfeitos e satisfeitas co Plan Concellos porque é un plan racional, ben feito, transparente, que permite que os concellos tomen as decisións e polo tanto as obras se fagan como se teñen que facer, a diferenza de se facían antes: por libre disposición e cunha xestión desastrosa chea de modificados con cartos".
Relacionadas:
-
Tino Fernández carga contra a "practicamente nula" rendibilidade que recibe a cidade da Deputación
Por Redacción |
-
O goberno provincial cualifica de "escrache" o acto de protesta protagonizado por trinta alcaldes do PP
Por Oskar Viéitez & Mónica Patxot |
-
O PP asegura que a Deputación recuperou os "convenios a dedo" que tanto criticou
Por Redacción |
-
A Deputación pon en marcha un plan para compensar os concellos prexudicados na etapa de Louzán
Por Oskar Viéitez & Mónica Patxot |
-
Os alcaldes do PP métenlle presa á Deputación co reparto dos fondos provinciais do vindeiro ano
Por Oskar Viéitez |
-
Carmela Silva inicia en Barro unha xira para comprobar o resultado do Plan Concellos
Por Redacción |
-
O Plan Concellos cambiará para "reequilibrar" a provincia tras anos de "caciquismo" de Louzán
Por Alejandro Espiño |