A Xunta investirá tres millóns de euros en 16 novas sendas na comarca de Pontevedra
Por Oskar Viéitez & Mónica Patxot
A conselleira de Infraestruturas e Vivenda en funcións, Ethel Vázquez, anunciou este mércores que a Xunta investirá 3 millóns de euros na construción de 16 novas sendas seguras, sustentables e integradas na paisaxe na comarca de Pontevedra. Serán, dixo, itinerarios peonís e ciclistas "que mellorarán a seguridade viaria e a calidade de vida dos veciños, facilitando os seus desprazamentos cotiáns", sumando un total de novos 12 quilómetros de sendas.
O director da Axencia Galega de Infraestruturas, Francisco Menéndez, que acompañou á conselleira nesta presentación levada a cabo na sede da Xunta en Pontevedra explicou que "seguro" que haberá que facer expropiacións, "o que non queremos e expropiar vivendas", engadiu Ethel Vázquez.
"Agardamos a colaboración dos concellos para que nos faciliten esa xestión" dixo a conselleira.
Na súa presentación, a titular de Infraestruturas e Vivenda en funcións informou de que, unha vez definidas as actuacións que se van levar a cabo dentro do Plan de Sendas na comarca de Pontevedra a Xunta vai encargar a redacción dos proxextos que permitirán encargar as obras. Segundo dixo, antes de que remate o ano estarán en redacción os proxectos para proceder, a continuación a licitar as obras.
A creación destasa sendas ten un dobre obxectivo: por unha banda, protexer e incrementar a seguridade dos peóns e os ciclistas que transitan polas estradas autonómicas, e por outra banda, promover unha mobilidade máis sustentable.
Entre as actuacións programadas na comarca de Pontevedra destacan a mellora da seguridade viaria na PO-308, que, xunto cos itinerarios que se prevén no Plan de Sendas da comarca do Salnés, suporá a execución de 6,6 quilómetros de este tipo de actuacións só no concello de Poio.
Resaltou, tamén, que se actuará na estrada PO-531, a estrada de Vilagarcía, con 3,5 quilómetros de sendas en Sequeiros, A Devesa e O Freixo, mediante proxectos coordinados coas restantes actuacións de seguridade viaria que se están a desenvolver nesa estrada.
Así mesmo, referiuse á senda que se vai construír en Xunqueira de Alba para dar unha maior seguridade aos peregrinos que realizan o Camiño Portugués.
Relacionadas:
-
A rotonda de acceso ao polígono de Sequeiros estará rematada no verán
Por Oskar Viéitez |
-
Poio cre que a Xunta atopou a "escusa perfecta" para non facer a senda da PO-308 en Covelo
Por Oskar Viéitez |
-
Os representantes veciñais de Samieira e Raxó ven con bos ollos a senda peonil da PO-308
Por Redacción |
-
Feridas tres persoas nunha colisión entre dous coches en Areas
Por Redacción |
-
O paseo entre A Lanzada e Portonovo terá unha nova senda para peóns e ciclistas de 1,2 quilómetros
Por Redacción |
-
Covelo e Raxó estarán unidas por unha senda para peóns e ciclistas
Por Oskar Viéitez |
-
Dúas sendas na PO-308, Covelo- Raxó e Portonovo-A Lanzada, incluídas no plan da Xunta
Por Redacción |
-
Marín solicita á Xunta a creación de sendas peonís en Seixo, Lapamán e Pardavila
Por Redacción |