COVSA executará o parking para autocaravanas en Tafisa
Por Alejandro Espiño
A empresa COVSA será a encargada de executar o parking para autocaravanas que o Concello de Pontevedra proxectou nos antigos terreos de Tafisa.
A mesa de contratación considerou a oferta da construtora por ser a máis favorable para os intereses municipais. Realizará estes traballos por 188.440 euros, uns 20.000 euros menos do seu prezo de licitación.
As obras comezarán antes de que finalice o mes e teñen un prazo de execución de tres meses, polo que o parking debería estar terminado, como moi tarde, a principios de 2017.
Esta infraestrutura contará con vinte prazas para o aparcadoiro deste tipo de vehículos. Ocupará un terzo da parcela municipal na que se situará, a que estaba reservada para hotel e que será utilizada mentres non haxa interesados en comprala.
O resto será habilitado como aparcadoiro disuasorio, que terá espazo para 66 vehículos.
Ademais, a entrada e a saída deste aparcadoiro contará con pasos elevados para evitar que os vehículos saian ou entren a gran velocidade.
Relacionadas:
-
As autocaravanas xa teñen espazo propio en Pontevedra
Por Alejandro Espiño & Mónica Patxot |
-
Autocaravanas de toda España inaugurarán en Semana Santa a área habilitada en Pontevedra
Por Alejandro Espiño |
-
Pontevedra estreará en Semana Santa a "mejor" área de autocaravanas de España
Por Oskar Viéitez |
-
En marcha o proxecto para habilitar un estacionamento de autocaravanas
Por Redacción |
-
O parking para autocaravanas empezará a executarse en outubro
Por Alejandro Espiño |
-
Anabel Gulías calma o malestar dos veciños da contorna de Tafisa co proxecto dun estacionamento de autocaravanas
Por Redacción |
-
Veciños da contorna de Tafisa piden anular o proxecto dun estacionamento de autocaravanas na zona
Por Redacción |