Presentan o proxecto para mellorar o ámbito da capela de Santa Margarida e o seu carballo
Por Redacción
Ata 200.000 euros. É o custo que ten o proxecto que ten sobre a mesa o goberno municipal para mellorar o ámbito da capela de Santa Margarida e o centenario carballo que preside o seu adro. Os veciños xa coñeceron os detalles e puideron presentar as súas suxestións.
Os concelleiros Luís Bará e Alberto Oubiña, responsables de Patrimonio Histórico e delegado da parroquia de Mourente, respectivamente, mantiveron un encontro coa comunidade de montes de Mourente e cos veciños.
A proposta do Concello busca actuar sobre a contorna da capela para retirar o asfaltado e substituílo por un pavimento diferenciado na estrada lindeira calmando o tráfico, á súa vez, e permitindo o uso deste espazo como praza pública para festas ou actos veciñais.
Tamén inclúe a instalación dunha bancada corrida no muro do adro da capela e -de ser posible- movelo para abrir un paso peonil ao carón.
O proxecto tamén contempla a retirada do formigón que rodea o carballo para deixar un alcorque de terra duns 21 metros de diámetro (equivalente á copa da árbore), empedrado no acceso. Preto do centenario carballo medra un fillo del, plantado no ano 2002, que tamén recibiría un tratamento diferenciado.
Ademais dos comuneiros e dos veciños, o Concello xa mantivo contactos coa Deputación, como responsable da estación do Areeiro, e co Arcebispado de Santiago, propietario da capela, para avanzar nestes traballos.
Tamén será precisa a aprobación da Dirección Xeral de Patrimonio da Xunta de Galicia.
Relacionadas:
-
O carballo de Santa Margarida perde unha póla de 200 quilos
Por Oskar Viéitez |
-
Culpan á Igrexa do abandono do carballo de Santa Margarida
Por Oskar Viéitez |
-
Denuncian que un lombo supón unha "agresión" ao carballo de Santa Margarida
Por Redacción |
-
Denuncian o abandono do Carballo de Santa Margarida ante institucións estatais e europeas
Por Redacción |
-
Pódese querer a unha árbore?
Por Redacción |
-
Propoñen habilitar unha praza pública na estrada fronte á capela de Santa Margarida
Por Oskar Viéitez |
-
O PSOE reclama o coidado do carballo de Santa Margarida
Por Redacción |