O paseo entre A Lanzada e Portonovo contará cunha nova senda para peóns e ciclistas de 1,2 quilómetros
Por Redacción
A Consellería de Infraestruturas e Vivenda da Xunta de Galicia licitará este luns 12 de setembro unha nova senda peonil na estrada PO-308, entre A Lanzada e Portonovo, que rematará na praia de Major. Dará continuidade ao tramo que xa se está a facer entre A Lanzada e Soutullo desde o mes de abril, do que xa vai executado o 25% e que estará rematado na próxima primavera.
Según a información facilitada pola Xunta, esta actuación conta cun orzamento de máis de 820.000 euros, que serán cofinanciados con Fondos Feder. Terá unha lonxitude de 1,2 quilómetros e pola marxe esquerda da estrada (do lado do mar) proxéctase unha senda en formigón para uso de peóns e ciclistas, separada da calzada mediante un separador verde. Pola marxe dereita, executarase tamén unha senda peonil, que se inicia en Soutullo e finaliza tras pasar o circuíto de karts.
A senda terá un ancho entre 3 e 4,3 metros e un prazo de execución de 12 meses. Construirase dende a glorieta que se está a executar en Soutullo ata a entrada á praia de Major.
Para regularizar a situación de aparcamento dos vehículos sobre a beiravía e marxes da estrada na zona desta área de ocio, habilitarase unha banda de aparcadoiro entre a calzada e a senda aproveitando a beiravía actual. Poderán sinalizarse no tramo 121 prazas de aparcadoiro, catro delas para persoas de mobilidade reducida.
A Xunta tamén anunciou esta fin de semana que se está a redactar o proxecto construtivo do terceiro e último treito da senda, o que unirá Major e Portonovo para completar o itinerario peonil e ciclista entre A Lanzada e Portonovo, de acordo con previsto no Plan de Sendas de Galicia da Consellería de Infraestruturas e Vivenda para a comarca do Salnés.
Relacionadas:
-
O novo tramo de senda peonil entre Major e Portonovo mellorará o acceso ás praias e as paradas de autobús
Por Redacción |
-
A senda peonil e ciclista entre A Lanzada e Soutullo, na estrada PO-308, estará lista no verán
Por Redacción |
-
A Xunta investirá tres millóns de euros en 16 novas sendas na comarca de Pontevedra
Por Oskar Viéitez & Mónica Patxot |
-
O campus aposta pola mobilidade sostible con ninebots e bicis
Por Redacción |
-
Reclamarán a ampliación das beirarrúas na PO-308 ao seu paso pola Lanzada
Por Redacción |
-
O PSOE pide á Xunta que reforce a seguridade vial no proxecto de mellora da PO-308 na Lanzada
Por Redacción |
-
Empezan as obras da senda peonil e ciclista que conecta Soutullo e A Lanzada
Por Redacción |
-
Dúas sendas na PO-308, Covelo- Raxó e Portonovo-A Lanzada, incluídas no plan da Xunta
Por Redacción |