Lucifer sae das tebras para facer rir á rapazada por Pontevedra
Por Cristina Saiz
Xofre, lume e tebras. O demo volveu a Pontevedra como todos os anos antes da celebración da festividade de San Bartolomeu. O actor Xosé Manuel Esperante, que dá vida ao diaño, xurdiu coa súa comitiva dos arcos situados xunto á igrexa da rúa Sarmiento para percorrer o centro histórico, acompañado de música e petardos.
Decenas de nenos acompañaban o sequito cun obxectivo, tirar do rabo do demo ata arrincarllo. Pero a misión non é sinxela. A festa transcorreu durante o mediodía deste martes 23 e terá continuidade ao longo da tarde.
Ás 20.00 horas a comitiva do demo volverá percorrer as rúas facendo burla e xogando con todo o que se achegue. Unha hora máis tarde, a Banda de Música de Salcedo celebrarase dentro desta festividade o concerto da Banda de Música de Salcedo na praza de José Martí.
A festa concluirá ás 21.30 horas coa Foliada do Demo a cargo da Orquestra Fiadeiro e Os Chichisos na praza de Curros Enríquez.