Dan por extinguidos os incendios de Lérez, Viascón e Tenorio e controlado o de Caldas
Por Redacción
Creada e actualizada
Creada e actualizada
Os incendios declarados o luns, o martes e o mércores na parroquia pontevedresa de Lérez e nas cotobadesas de Viascón e Tenorio déronse por extinguidos este venres. A Consellería de Medio Rural informou de que ao longo da mañá os servizos de extinción consideraron que ambos os dous lumes deixaban xa de estar activos.
No caso de Lérez, deuse por extinguido ás 11.03 horas destes venres despois de comezar ás 23.35 horas do martes. Segundo as últimas estimacións, a superficie afectada é de 17 hectáreas, das cales 15 son arboradas e o resto rasas, a pesar de que inicialmente se falara de 30. Na súa extinción traballaron un técnico, seis axentes, 10 brigadas, sete motobombas, unha pa e un helicóptero.
En Viascón, no Concello de Cotobade, o lume comezou ás 20.21 horas do mércores e deuse por extinguido ás 11.43 horas deste venres. Segundo últimas estimacións, a superficie afectada é de 40 hectáreas arboradas. No lugar traballaron un técnico, sete axentes, sete brigadas, oito motobombas e dúas pas.
O de Tenorio iniciouse ás 17.20 horas do luns, permanecía controlado desde as 10.45 horas deste xoves e deuse por controlado na tarde deste venres. Segundo as últimas estimacións provisionais, a superficie afectada é de 365 hectáreas, das cales 255 son arboradas e 110 de monte raso. Na súa extinción levan traballado tres técnicos, 20 axentes, 38 brigadas, 18 motobombas, sete pas, 15 helicópteros e tres avións.
Por outra parte, Medio Rural mantén como controlado, pero non extinguido aínda o lumes de Saiar, en Caldas de Reis. Permanece controlado desde as 9.00 horas deste xoves tras iniciarse ás 15.51 horas do luns e, segundo as últimas estimacións provisionais, a superficie afectada é de 300 hectáreas de arborado. Na súa extinción levan traballado tres técnicos, 20 axentes, 38 brigadas, 20 motobombas, dúas pas, 11 helicópteros e dous avións.
Relacionadas:
-
600.000 euros para protexer o monte ante futuros incendios na provincia
Por Redacción |
-
Controlan o lume que ardeu toda a noite en Carballedo e arrasou 54 hectáreas
Por Redacción |
-
Un brigadista resulta ferido nunha perna mentras traballa nun incendio en Carballedo
Por Redacción & Diego Torrado | Creada e actualizada
-
Viascón, tamén en alerta por un incendio que supera as 40 hectáreas afectadas
Por Redacción | Creada e actualizada
-
Un incendio xa controlado calcina 30 hectáreas en Lérez, mentres en Cotobade desactívase o nivel 2 de alerta
Por Redacción & Cristina Saiz | Creada e actualizada