O accidente dun camión corta o trafico da autopista na saída de Curro
Por Redacción
O carril de acceso da AP-9 na peaxe de Curro, dirección Pontevedra, foi cortado ao tráfico este mediodía debido ao accidente dun camión que bloquea a vía, segundo informan o servizo de Urxencias 112 e a DGT.
O sinistro ocorreu en torno ás 12:29 horas na saída 119 da AP-9 que dá acceso á estrada AG-41 a Sanxenxo, á altura do municipio pontevedrés de Barro.
Efectivos da Garda Civil e de mantemento da AP-9 traballan en despexar a vía tralo accidente, que non causou danos ao condutor do camión.