O PSOE insta a Lores a mediar para que os escolares con diabete poidan entrar nos cines con mochila
Por Redacción
O grupo municipal socialista levará ao próximo pleno a polémica dos cinemas de Pontevedra en Vialia, onde a xerencia nega o acceso de mochilas de persoas que sofren diabetes ou doenzas intestinais e que precisan do material no caso de que sufran algunha situación de urxencia.
Ante esta situación, a concelleira do PSOE, Paloma Castro, considera que a actitude dos cinemas é inadmisible e atenta contra os dereitos das persoas con estas doenzas. Desde as filas socialistas sinalan que estes pacientes non levan as mochilas por capricho e van perfectamente identificados. Desta maneira recollen as peticións das asociacións Anedia (Asociación de nenos e meniñas con diabete de Galicia) e Asseii (Asociación Socio Sanitaria Educativa Inflamatoria Intestinal).
Na moción, os socialistas piden ao alcalde, Miguel Anxo Fernández Lores, que actúe: "Non pode estar gabandose de que temos unha cidade inclusiva (cousa que é certa) e logo quedarse quieto ante estas situacións", sinala Paloma Castro.
O alcalde xa manifestou a estes colectivos que se puxo en contacto cos cinemas para trasladarlles esta demanda.
Relacionadas:
-
Volven impedir a un neno con diabete entrar ao cinema con mochila, a pesar de levar xustificante médico
Por Redacción |
-
A Valedora do Pobo reúnese cos responsables dos cines de Vialia para regular o acceso dos nenos con diabete con mochilas
Por Redacción |
-
A Unión de Consumidores considera "neglixente en extremo" que os cinemas neguen o acceso a nenos con diabete con mochilas
Por Redacción |
-
A xerencia dos cinemas de Vialia prometeu, pero non cumpre coa Valedora do Pobo
Por Redacción |
-
Os cinemas de Vialia impiden que nenos con diabete accedan con mochilas desatendendo á Valedora do Pobo
Por Redacción |