19 instantáneas para compartir a realidade das persoas con parálise cerebral
Por Mónica Patxot
ASPACE-Galicia inaugurou na Casa da Luz a exposición itinerante do V Concurso de Fotografía desta confederación na que se poden ver 19 instantáneas que ofrecen distintas perspectivas de persoas que padecen algunha discapacidade cerebral. O obxectivo desta mostra céntrase en transmitir a o día a día das persoas con parálise cerebral.
Nestes traballos pódense observar catro temáticas: capacidades, novas tecnoloxías, lecer e deporte. A exposición quedaba aberta este martes 5 coa presenza da concelleira de Asuntos Sociais, Carmen Fouces, ademais de membros da directiva de Amencer-Aspace, un colectivo que cumplle 25 anos de existencia durante este 2016. Fouces apuntou que "sen vós a cidade non sería nin a cuarta parte do que é" en referencia aos integrantes deste colectivo.
Aspace trata en Galicia a máis de 400 persoas con discapacidade cerebral a través do traballo de 72 persoas voluntarias.
A mostra pódese visitar ata o 25 de xullo na entrada da Casa da Luz.
Relacionadas:
-
O Pazo Provincial dá visibilidade ás persoas con parálise cerebral
Por Redacción & Mónica Patxot |
-
Unha divertida carreira contra as barreiras
Por Redacción |
-
'Ponte no meu lugar', para entender a parálise cerebral
Por Redacción & Mónica Patxot |
-
Cando a xornalista se sitúa ao outro lado... e a fan reflexionar
Por Natalia Puga & Mónica Patxot |
-
Globos ao ceo dos usuarios de Amencer para pedir unha mellor integración social
Por Anxo Lourido |