Encontro cos veciños de Monte Porreiro para explicarlles o funcionamento dos tres primeiros composteiros comunitarios
Por Redacción
A Concellaría de Servizos manterá o luns, 20 de xuño, unha xuntanza coa asociación de veciños de Monte Porreiro "O Mirador" e con todos os veciños que asinaron para participar no proxecto dos composteiros comunitarios no barrio para informar do proxecto detenidamente, explicar o calendario para a súa posta en marcha e outras as pautas a seguir neste novidoso sistema. A reunión será a partir das 21.00 horas no Centro de Cultura de Monte Porreiro.
"O Mirador" convocatorá a todos os veciños involucrados e ao encontro asistirá a concelleira de Servizos, Carme da Silva, así como os mestres composteiros que se encargarán de aplicar o proxecto. "O Mirador" foi unha das asociacións máis activas no apoio do novo sistema de tratamento de lixo, polo que o Concello mirou para Monte Porreiro para pór en marcha o proxecto Revitaliza da Deputación de instalación de composteiros comunitarios.
A reunión será a partir das 21.00 horas no Centro de Cultura de Monte Porreiro
Previamente, a semana que vén, un mestre composteiro fará visitas personalizadas aos veciños e establecementos que se comprometeron a participar no proxecto para explicarlles como se fará o tratamento dos residuos orgánicos.
Como xa anunciou a concelleira de Servizos, Carme da Silva o barrio de Monte Porreiro contará con composteiros comunitarios antes de fin de mes. Nesta semana iniciou a obra civil para instalar os tres primeiros puntos de compostaxe comunitaria na praza de Europa, na rúa Italia e na rúa Alemania incluídos dentro do Plan Revitaliza. Cada un terá cinco módulos.
Paralelamente o Concello tramita o prego de condicións para mercar composteiros comunitarios que se despregarán en Monte Porreiro e en Campolongo. Cun orzamento de 130.000 euros, instalaranse 204 módulos de compostaxe en 33 puntos en Monte Porriro e 105 módulos en Campolongo. O despregue comezará á volta do verán.
Relacionadas:
-
Todo a punto para a posta en marcha dos primeiros composteiros comunitarios de Monte Porreiro
Por Redacción |
-
Monte Porreiro empeza a 'compostar'
Por Redacción |
-
Os composteiros comunitarios xa están aquí: comezan as obras para instalar os tres primeiros en Monte Porreiro
Por Natalia Puga |
-
Os barrios de Campolongo e Monte Porreiro empezarán coa compostaxe comunitaria á volta do verán
Por Oskar Viéitez |