Primeiras contratacións de veciñas de Ponte Caldelas na conserveira Orbe
Por Redacción
Once veciñas de Ponte Caldelas incorporaranse este luns 6 de xuño á fábrica que está a poñer en marcha Orbe no polígono da Reigosa.
Son as primeiras incorporacións de persoas desempregadas do municipio, en virtude do convenio asinado polo Concello de Ponte Caldelas polo que se rebaixa á empresa o 50% do imposto de construcións (ICIO) a cambio da contratación de persoas empadroadas en Ponte Caldelas.
Nesta ocasión trátase dunha administrativa e de dez veciñas para a liña de produción.
A empresa de selección de persoal contrada pola conserveira e responsables do Concello reuníronse con persoas inscritas na bolsa de traballo municipal para explicar detalles do proceso de selección, que está previsto se amplíe ata o medio centenar de desempregados, na súa maioría mulleres.
Ademais de coa conserveira Orbe, o Concello de Ponte Caldelas asinou un pacto similar de bonificación fiscal coa firma auxiliar de automoción Aludec, que abrirá unha nova planta na Reigosa.
Relacionadas:
-
Unha firma de elaborados de peixe vai instalarse na Reigosa creando 42 postos de traballo
Por Redacción |
-
A conserveira Orbe espera contratar a 80 traballadores máis na Reigosa
Por Oskar Viéitez |
-
A conserveira Orbe estrea a súa nova factoría en A Reigosa
Por Oskar Viéitez |
-
Buscan 50 mulleres de Ponte Caldelas para traballar na conserveira Orbe
Por Oskar Viéitez |
-
O Concello de Ponte Caldelas facilitará a Orbe os currículums de desempregados do municipio
Por Redacción |