Aparece unha nova coroa mortuoria : "Mosquera, non te deixaremos en paz"
Por Redacción
Creada e actualizada
Creada e actualizada
A Illa de Arousa foi o escenario onde apareceu colocada nun poste da luz unha nova coroa mortuoria. Se esta semana, varios deputados do equipo de goberno da Deputación Provincial denunciaban a presenza dunha coroa ameazante co nome do deputado responsable de Mobilidade, Uxío Benítez, este sábado transcendeu a presenza doutra coroa situada na comarca de O Salnés desde o pasado xoves. Nesta ocasión, a banda que acompaña o conxunto de flores leva escrita a frase: "Mosquera, non te deixaremos en paz".
O vicepresidente da Deputación, César Mosquera, na súa intervención no faladoiro de Radio Pontevedra durante este sábado relacionaba este novo episodio co conflito de traballadores do Parque de Maquinaria da Deputación e coa actitude que están a manter o Partido Popular e o sindicato Comisións Obreiras en relación con este tema.
Mosquera anuncia que remitirá o vindeiro luns unha carta ao presidente provincial do PP, Alfonso Rueda, para solicitar de xeito formal que dea as instruccións pertinentes para poñer fin ás agresións contra o goberno provincial. "Xa que foi el quen marcou a liña de confrontación e ataque ao goberno provincial e as súas ordes foron as que fixeron que isto chegara a onde chegou, debe ser el quen pare esta tolería", subliñou.
César Mosquera insiste en que este conflito prodúcese como consecuencia de que o goberno da Deputación tenta regular o cobro de dietas e os complementos que, segundo afirma, non se estaban xustificando por parte dalgúns dos traballadores do Parque. Este enfrontamento provocou varios incidentes como pintadas en diferentes rúas nas que se acusa a Mosquera de mentireiro e, nas últimas horas, provocou que a presidenta da Deputación, Carmela Silva, suspendese a sesión do pleno provincial ante os berros de protesta durante a celebración por parte dos traballadores e dos representantes sindicais.
Relacionadas:
-
Novas ameazas de morte ao deputado de Mobilidade, Uxío Benítez
Por Redacción |
-
O PP sopesa querelarse contra Carmela Silva e César Mosquera por inxurias
Por Oskar Viéitez |
-
Os traballadores do Parque de Maquinaria queren un debate público con Mosquera
Por Oskar Viéitez |
-
Rueda desvincúlase en Twitter da aparición das coroas mortuorias: "Ao Sr. Mosquera se lle vai a pinza"
Por Redacción |
-
Os funcionarios do Parque de Maquinaria boicotean o Pleno da Deputación
Por Mónica Patxot & Oskar Viéitez |
-
Mosquera insta o PP a "parar esta tolería", coroa mortuoria incluída, do Parque de Maquinaria
Por Alejandro Espiño | Creada e actualizada