Cidadáns pide máis axentes da Policía Local patrullando a pé pola cidade
Por Redacción
Unha maior presenza e visibilidade das patrullas de policía de proximidade no centro urbano. É o que solicitará Cidadáns no próximo pleno da corporación municipal, ao entender que os axentes da Policía Local "deberían patrullar peonalmente nun horario acorde ás necesidades da cidadanía".
O actual modelo, engaden, "ten sentido nas zonas periféricas da cidade e no rural", pero entenden que se a presenza deste concepto de policía é fundamental en todas as cidades, aínda o é máis en Pontevedra, posto que máis do 30% do centro urbano é peonil.
Concretamente, María Rey insiste en que "se necesitan patrullas de policías a pé en contacto persoal coa cidadanía para axudar, informar, escoitar suxestións, previr delitos, procurar a seguridade, evitar accidentes e controlar o cumprimento da normativa municipal".
O obxectivo, apuntan a portavoz de Cidadáns, é lograr que este servizo estea máis preto dos veciños para que coñezan de primeira man os problemas cotiáns de Pontevedra.
Cidadáns considera "importante" o achegamento do labor da policía municipal ao cidadán, en contacto diario e continuo, xa que o policía debe ter, conclúen desde o partido, un enfoque "principalmente preventivo, asistencial e solidario, cuxo último fin debe ser axudar e protexer ao cidadán".