O Concello asegura que a reclamación de Ponte Sampaio polos terreos alugados para a planta de compost "non ten repercusión"
Por Oskar Viéitez
O portavoz do goberno local de Pontevedra, Raimundo González, restou importancia á demanda interposta pola plataforma contra a instalación dunha planta de compostaxe na Canicouva.
Segundo informou, a comunidade de montes de Ponte Sampaio reclama a titularidade de 8.425 metros cadrados de monte que, segundo afirman, atópanse incluídas entre as dez hectáreas de terreos alugados polo Concello á comunidade de montes da Canicouva.
Con todo, segundo apuntou Raimundo González, os servizos xurídicos do Concello aseguran que a demanda "non ten ningunha repercusión".
O motivo desta valoración é que os terreos alugados polo Concello non están xeolocalizados, é dicir, non está feita o acta de replanteo do proxecto da instalación da planta de compostaxe.
Por este motivo, ao non existir unha referencia exacta á súa localización, poderase salvar este litixio localizando para a construción da proxectada planta de compostaxe noutros terreos que non estean afectados por preito algún.
A demanda foi presentada a finais do mes de abril ante o xulgado do contencioso-administrativo número 2 de Pontevedra.
Raimundo González insistiu en que "o contrato non será ineficaz e terá plena validez". Para o portavoz do goberno local, os motivos desta reclamación son "estritamente partidarios" e sinalou que "detrás diso están o PP e o PSOE". A este respecto o PP pedirá información sobre este proxecto no próximo pleno.
Relacionadas:
-
Un estudo analizará o impacto da planta de compostaxe da Canicouva
Por Redacción |
-
O PP afirma que non se está a realizar ningún traballo nos terreos que acollerán a planta de compostaxe
Por Redacción |
-
O goberno local presentará o seu plan de compostaxe nun acto no Museo o vindeiro 14 de abril
Por Redacción |
-
A Lores "non lle entran na cabeza" as críticas do PP ao novo plan de tratamento de lixo
Por Redacción |