Traballos na rede de saneamento do río Gafos para arranxar os danos do inverno
Por Redacción
O deterioro, os danos e demáis efectos negativos sobre as infraestruturas provocados polas intensas chuvias dos últimos meses e tamén polo transcorrer do tempo obrigaron a realizar distintos traballos de reparación e mantemento na rede de saneamento e no leito do río Gafos, segundo explicou o concelleiro responsable do Ciclo da Auga, Raimundo González Carballo.
Operarios de Viaqua acometeron traballos de reparación, reposición e mantemento en distintos tramos do río, no seu paso polo rural pontevedrés.
Son traballos previstos no contrato do servizo municipal de auga e que, polo tanto, están ao marxe do proxecto de saneamento integral do Gafos que acometerán o Concello e a Deputación de xeito conxunto.
Farano "após de que Augas de Galicia e a Xunta anularan unilateralmente a final do paso ano o convenio para o saneamento deste río aludindo a que no daba tempo de levar a cabo unha actuación que está dentro do programa Operativo Feder Galicia 2007-2013, que obrigaba a que as accións subvencionadas se executadasen antes do remate do ano 2015", lembraron dende o goberno local.
"O compromiso co medio ambiente e coa calidade de vida da veciñanza leva ao Concello a procurar novos aliados, neste caso a Deputación, e a seguir adiante co proxecto de saneamento do Gafos" que, como lembra o equipo de goberno local, terá un custe aproximado de 1,1 millóns de euros.
Relacionadas:
-
O goberno pontevedrés vixiará as conexións á rede de saneamento no rural
Por Oskar Viéitez |
-
Augas de Galicia remata os traballos de roza nun tramo do río Gafos
Por Redacción |
-
Vaipolorío denuncia as verteduras ao Gafos producidas pola rede de sumidoiros durante os temporais
Por Oskar Viéitez |
-
A Deputación achegará ao concello 500.000 euros para o saneamento do río dos Gafos
Por Redacción |