A Sétima Feira combínase co Galegote Rock este sábado no Mercado de Abastos
Por Redacción
Tradición e modernidade volven citarse este sábado no Mercado de Abastos na Sétima Feira, un evento que se celebra o segundo sábado cada mes. E nesta ocasión coincide co Galegote Rock. Por este motivo, esta nova edición dedicarase á música.
A rúa Serra acollerá este sábado 14, entre as 11.00 e as 15.00 horas, postos de venda de novos creadores vinculados ao mundo téxtil ao mesmo tempo que o cantante Davide Salvado ofrecerá un recital e levará a cabo unha sesión de dj's. No caso de chuvia, trasladarase ao primeiro andar do Mercado.
A concelleira de Promoción Económica, Anabel Gulías, acompañada polo concelleiro Alberto Oubiña e representantes da asociación de praceiras, de Pontevedra Ferve e do Local de Ensaio presentaron este evento este xoves 12 no interior do Mercado de Abastos convidando a que as persoas se acheguen durante a mañá do sábado á praza.
Anabel Gulías apuntou que a Sétima Feira está a resultar rendible aos artesáns e creadores que montan os seus postos. Sinalou neste sentido, que algúns deles repiten nesta cita que combina comercio e cultura.
Relacionadas:
-
A moda sostible galega despide ata setembro a Sétima Feira
Por Redacción |
-
Van os políticos ao Mercado de Abastos como clientes?
Por Mónica Patxot & Anxo Lourido |
-
A música impulsa unha Sétima Feira de record
Por Redacción & Diego Torrado |
-
Pistoletazo de saída ao Galegote Rock 2016
Por Mónica Patxot |
-
VÍDEO.- O Mercado de Abastos e o Parador acollerán concertos do Galegote Rock 2016
Por Mónica Patxot |
-
A imaxinación aniña na primeira planta do Mercado
Por Redacción |