O PSOE pide á Xunta que reforce a seguridade vial no proxecto de mellora da PO-308 na Lanzada
Por Redacción
A primeira fase do proxecto de mellora da seguridade viaria na estrada PO-308 entre Sanxenxo y A Lanzada, que se licitou hai escasas semanas, debería incluír medidas extra de seguridade. Así o considera o PSOE e así o recolle nunha iniciativa presentada no Parlamento de Galicia.
Os deputados socialistas no Parlamento piden que a Xunta de Galicia inclúa varios pasos de peóns no tramo proxectado, que mellore a seguridade viaria na zona do campo de fútbol e o aparcamento da Lanzada e que amplíe o proxecto ata a rotonda de O Bao para solucionar o problema do paso de peóns de As Salinas.
Na iniciativa parlamentaria recorda que recentemente a Dirección Xeral de Tráfico incluíu, por primeira vez, á PO-308 na listaxe de tramos de estradas convencionais especialmente perigosas e, a diferenza do que ocorre con outros puntos negros da rede viaria pontevedresa, no caso da estrada da costa a cualificación de "especialmente perigosa" abarca á práctica totalidade do trazado entre Poio e A Lanzada, en Sanxenxo.
O informe recolle que a velocidade é un dos compoñentes fundamentais que determina a maior ou menor incidencia na sinistralidade viaria, a gravidade e o grao de lesión das vítimas en caso de accidentes. Á hora de incluír á PO-308 nesta listaxe, realizouse un seguimento de todos os accidentes graves que se produciron nos últimos meses e da velocidade media de circulación.
Ante esa cualificación, o PSOE de Sanxenxo recorda que xa no pasado denunciaron que a estrada autonómica PO-308 é extremadamente perigosa en varios puntos, fundamentalmente pola falla de medidas dos últimos anos por parte do goberno da Xunta de Galicia.
Relacionadas:
-
O paseo entre A Lanzada e Portonovo terá unha nova senda para peóns e ciclistas de 1,2 quilómetros
Por Redacción |
-
Reclamarán a ampliación das beirarrúas na PO-308 ao seu paso pola Lanzada
Por Redacción |
-
O venres iniciaranse os traballos na estrada da Lanzada que quedarán rematados na vindeira semana
Por Redacción |
-
Os veciños queren que se teñan en conta as súas demandas nas obras da PO-308
Por Redacción |
-
Sanxenxo insistirá para que a Xunta amplíe a reforma da PO-308 ata Major
Por Redacción |
-
Técnicos da Xunta falarán cos veciños de Raxó a posibilidade de habilitar zonas de xiro na PO-308
Por Redacción |
-
Solicitan á Xunta un estudo sobre a sinistralidade da PO-308 na Granxa
Por Redacción |
-
A Xunta licita as obras da senda peonil e ciclista na estrada PO-308
Por Redacción |
-
Sanxenxo urxe á Xunta para que reforme a PO-308 antes do verán
Por Redacción |