Defensa recruta a 23 pontevedreses dos 560 solicitantes de praza para Tropa e Mariñeiría Profesional
Por Redacción
O Ministerio de Defensa pechou o primeiro ciclo do proceso selectivo para o ingreso como militar profesional da Escala de Tropa e Mariñeiría das Forzas Armadas, con gran afluencia de peticións na provincia de Pontevedra.
Recibíronse na Subdelegación de Defensa en Pontevedra máis de 560 solicitudes para tomar parte no proceso selectivo (507 homes e 56 mulleres).
Finalizado este proceso, 23 pontevedreses obtiveron praza.
Deles, 11 irán a unidades do Exército de Terra, 6 da Armada e 6 do Exército do Aire.
O volume de solicitudes na provincia de Pontevedra neste ano 2016, practicamente mantívose en relación aos últimos anos. Este dato, segundo interpreta o Ministerio de Defensa, pode responder a que moitos mozos optan por alistarse nas Forzas Armadas como unha alternativa de saídas profesionais que permitan sortear o desemprego. En xeral este dato mantívose en todo o territorio español.