Marín unifica a imaxe identificativa dos seus furanchos
Por Redacción
Un mesmo cartel identificativo será a imaxe dos furanchos que solicitaron e obtiveron autorización para a realización desta actividade gastronómica en Marín durante o ano 2016.
Este cartel anunciador foi entregado este venres aos representantes de cada establecemento por parte da concelleira de Turismo, Cristina Acuña.
O regulamento de furanchos do Concello de Marín establece a tempada de funcionamento entre o 1 de febreiro e o 30 de xuño.
Excepcionalmente, os furanchos que queiran ampliar o período de apertura poderán solicitalo no concello, sempre que non superen os tres meses de actividade e nunca máis alá do 31 de xullo.
O horario de apertura é de 12:00 a 00:00 horas, e as noites dos venres, dos sábados e as vésperas de festivos este horario poderase ampliar en unha hora máis.
A policía local supervisará o cumprimento deste regulamento e levantará denuncia administrativa dos particulares que non teñan licenza para esta actividade.
Relacionadas:
-
Comeza a tempada de furanchos en Marín
Por Redacción |
-
Os furancheiros de Marín e o Concello achegan posturas tras a última modificación da ordenanza
Por Redacción |
-
Nove furanchos de Marín cumpren con toda a normativa municipal
Por Redacción |
-
Os furanchos de Marín, obrigados a amosar un cartel identificativo
Por Redacción |
-
Os furancheiros piden ao concello de Marín que controle aos 'ilegais'
Por Redacción |