Caldas de Reis, a primeira vila que 'Degusta Europa'
Por Redacción
A iniciativa gastronómica Degusta Europa tivo este martes a súa estrea na praza de abastos de Caldas de Reis. Alumnos e profesores do Carlos Oroza prepararon pratos europeos empregando os produtos galegos que se poden atopan no propio mercado.
Alí mesmo, ao estilo dun show cooking, elaboraron estas propostas que foron degustados posteriormente polas persoas alí presentes.
Tras comprar os produtos necesarios, os alumnos do Carlos Oroza prepararon risotto de verduras, troita mariñada con pan Iefse, tzatziki ou vermú, entre outros.
Degusta Europa continuará nos mercados municipais de Pontevedra (6 de maio) e Cambados (10 de maio), a cargo do alumnado e profesorado do Carlos Oroza, que elaborarán os mesmos pratos que hoxe foron preparados en Caldas.
En A Guarda (11 de maio), Bueu (12 de maio) e Vigo (13 de maio) será o centro educativo Manuel Antonio o que se encargará de elaborar hamburguesa de porco, sopa de melón con Oporto texturizado, risotto de mexillóns con tella de queixo parmesano, xoubas fritidas con tempura de millo e xarda lañada con brotes tenros.
Degusta Europa ten por obxectivo simbolizar a unión entre os diferentes pobos europeos empregando como elemento motor a gastronomía ao tempo que se enxalzan os mercados municipais e os produtos da provincia de Pontevedra.
Relacionadas:
-
Alumnos do Carlos Oroza amosarán en Pontevedra e O Grove a gastronomía dos camiños xacobeos
Por Redacción |
-
A Praza de Abastos de Bueu promociona os seus produtos ‘á europea’
Por Redacción |
-
Receitas gregas, italianas e inglesas pero cos produtos de casa
Por Oskar Viéitez & Mónica Patxot |
-
Cociña europea con todo o sabor das Rías Baixas
Por Alejandro Espiño |