Os comuneiros confirman ao conselleiro de Sanidade que aceptan a ampliación dun Montecelo "público"
Por Redacción
Os comuneiros de Mourente trasladaron ao conselleiro de Sanidade, Jesús Vázquez Almuíña, a súa intención de chegar a un acordo co SERGAS, que permita a continuidade das actuais instalacións do Hospital Montecelo na terreos propiedade dos comuneiros, segundo a última sentenza xudicial que aínda pode ser recorrida. Carlos Morgade, presidente da Comunidade de Montes, trasladou ao conselleiro que están a favor de que se amplíe o edificio do hospital a condición de que os investimentos e a xestión sexan públicos.
Os comuneiros esperan que finalmente a sentenza que lles recoñece a propiedade do monte ocupado polas instalacións sanitarias sexa firme e a partir dese momento establecerán unhas condicións á Consellería que, en todo caso, afirman que non serán excesivas. Vázquez Almuíña explicoulles os plans de ampliación previstos para Montecelo.
O conselleiro mantivo tamén reunións cos sindicatos da Xunta de Persoal e co persoal sanitario para informarlles do novo proxecto que levaría a ampliación do hospital cara aos terreos que se atopan detrás do edificio actual. Como xa avanzara, Vázquez Almuíña confirmou que se trasladarán todas as especialidades que agora mesmo atópanse na Casa do Mar e crearase un novo aparcadoiro.
Pola súa banda, Comisións Obreiras emitiu un comunicado aplaudindo a decisión do SERGAS de aparcar o proxecto de creación dun novo hospital en Monte Carrasco pero alertan de que non se fían das promesas e que permanecerán pendentes das actuacións por parte da Consellería de Sanidade para evitar "todas as tropelías que vostedes están a facer co fin de deteriorar a sanidade pública".
Relacionadas:
-
A Seguridade Social recorre a sentenza que recoñece a titularidade de Montecelo aos comuneiros de Mourente
Por Oskar Viéitez |
-
O 'Gran Montecelo' que propón a Xunta reunirá os servizos actuais de Mollabao e o Provincial
Por Redacción |
-
O novo Montecelo contará cunhas 700 camas e estará operativo en 2020
Por Redacción |
-
Sanidade garante que o novo Montecelo será un hospital de xestión "100% pública"
Por Alejandro Espiño |
-
Adeus ao hospital de Monte Carrasco: a Xunta retoma a ampliación de Montecelo
Por Alejandro Espiño & Mónica Patxot |
-
Unha sentenza conclúe que os terreos do Hospital Montecelo pertencen aos comuneiros de Mourente
Por Redacción |
-
O conselleiro de Sanidade presentará unha fórmula de consenso hospitalario para Pontevedra
Por Mónica Patxot & Anxo Lourido |