Jorge Cubela desconfía da proposta de fusión de Andrés Díaz
Por Redacción
Jorge Cubela, alcalde de Cotobade, ante as declaracións do alcalde de Ponte Caldelas, Andrés Díaz, que abriu a posibilidade de facer unha fusión entre os dous municipios refugando o proceso aberto entre Cerdedo e Cotobade, non tardou en responder.
Dixo que está aberto a estudar unha fusión entre Ponte Caldelas e Cerdedo-Cotobade só cando acabe este proxecto, se chega a aprobarse, porque actualmente está en fase de estudo.
O novo proxecto partiría dun concello de 6.200 habitantes e outro de menos de 6.000 polo que a capitalidade do mesmo sería en Carballedo, ao ser o municipio de maior poboación, que ademais ocuparía unha posición xeográfica e estratéxica.
Ademais, engade que con esta tripla unión o PP tería o 60% dos representantes e a maioría absoluta o que o deixaría fóra da alcaldía, "por tanto desconfío un pouco da súa oferta", engadiu Cubela.
Tamén quixo deixar claro que "se Andrés Díaz vai en serio, pode empezar a preparar a documentación para a integración de Ponte Caldelas no noso proxecto".
Relacionadas:
-
O alcalde de Ponte Caldelas conclúe que na fusión de Cerdedo e Cotobade "se comezou a casa polo tellado"
Por Redacción |
-
O PSOE di que a fusión de Cerdedo e Cotobade agocha a alteración do reparto de escanos na Deputación
Por Redacción |
-
Andrés Díaz propón a Jorge Cubela un estudo sobre a posible fusión entre Ponte Caldelas e Cotobade
Por Redacción |