Apoio pleno das corporacións de Ponte Caldelas e Cotobade á petición de reforma da PO-234
Por Redacción
As corporacións municipais de Ponte Caldelas e Cotobade aprobarán no próximo pleno, con apoio de todas as forzas políticas, unha moción de apoio ás reivindicacións da Plataforma de Afectados pola PO-234.
Así llo fixeron saber os representantes políticos á plataforma tras unha reunión á que acudiron os alcaldes de Cotobade e Ponte Caldelas, Jorge Cubela e Andrés Díaz, e os portavoces do resto de partidos que compoñen as corporacións, PPde G, PSdeG-PSOE, BNG e AVP.
Esta asociación reclama unha solución ao problema de seguridade viaria da PO-234, estrada que comunica Ponte Caldelas e Cotobade a través de Laxoso e Augasantas, unha antiga reivindicación veciñal.
Entre os acordos adoptados por alcaldes e portavoces encóntrase a solicitude dunha reunión da Plataforma de Afectados coa conselleira de Medio Ambiente, Territorio e Infraestruturas, Ethel Vázquez, posto que se trata dun viario de titularidade autonómica.
Jorge Cubela puntualizou de feito tras o encontro que a conselleira garantiu a actuación sempre que os concellos poñan a disposición os terreos necesarios.
Neste sentido, ambos os dous gobernos locais pedirán ao catastro e resto de organismos oficiais a identificación dos propietarios dos terreos afectados polas obras de mellora co fin de axilizar as xestións e as obras poidan comezar canto antes.
Todos os asistentes á reunión, incluídos os alcaldes, sumáronse á recollida de firmas da plataforma para solicitar á Xunta que desbloquee a mellora desta estrada.
Relacionadas:
-
O goberno local suxire a Feijóo que aproveite a súa estancia en Ponte Caldelas para coñecer os problemas do municipio
Por Redacción |
-
A plataforma de afectados pola PO-234 esixe que a estrada se reforme "dunha tacada"
Por Redacción |
-
Os afectados pola PO-234 chaman a crear un foro de diálogo para axilizar o arranxo do vial
Por Redacción |
-
Ponte Caldelas critica a "tomadura de pelo" da Xunta ao presentar un plano de 1905 para falar da mellora da PO-234
Por Redacción |